無綫盛產進取型發電機小花，後浪推前浪長期供應放電能力源源不絕，去年憑《親親你好媽》爆上位的23歲江嘉敏就系後輩中的表表者，年紀輕輕、視齡尚淺，緋聞已經見一個傳一個，合作男星永不落空。最新獵物系年紀相差16年的上位小生黃嘉樂，合作拍劇極速冧掂又玩得埋。
39歲黃嘉樂其實有個拍拖一年談婚論嫁攝影師女友Samantha，不過江嘉敏上任緋聞男友王浩信唔止有老婆仲有個6歲女，有正室都起唔到阻嚇作用，未入門正印Samantha當然感到地位受威脅，拿拿聲睇緊啲、箍實啲！
江嘉敏 攞正牌攬頭攬頸
早前同女細老婆嫩王浩信拍《兄弟》傳出暗撻，江嘉敏依然話「清者自清，唔使避嫌」，今次拍《果欄中的江湖大嫂》傳轉移目標再電劇中男友黃嘉樂，更加有恃無恐攞正牌一樣每日在個人社交網絡發布二人日對夜對攬頭攬頸新動態。23歲江嘉敏外形甜美再加上性格主動，難怪正印Samantha眼見男友黃嘉樂疑似就快抵抗唔住要出招反擊！
明知對方有正印攝影師女友，慣犯江嘉敏一樣開工黐實黃嘉樂，收工有意無意短訊撩吹水，進攻型行徑連同劇演員亦睇唔過眼。
在《果欄中的江湖大嫂》演一對，江嘉敏大條道理在社交網絡po甜蜜劇照，表面宣傳劇集內裡留言引人遐想。
一向喜歡年長大哥哥，繼有家室王浩信後，江嘉敏近日又因為新劇與黃嘉樂混熟，還趁工作日見夜見不斷向高大靚仔又上位中的黃嘉樂示好。
拍親劇都傳緋聞，王浩信見識過江嘉敏電力後亦都開始避忌，《兄弟》拍攝後半部，就刻意與女方保持距離。
黃嘉樂 跟得女友放閃不停
由「御用細佬」捱到今時今日足足經歷18年，黃嘉樂才總算捱出頭來，角色漸漸吃香又成功埋到金牌監製班做到梁材遠愛將，既然得來不易，上位中收埋正印低調處理感情是常識吧！不過男方低調、女友就唱反調，每日一po連朋友都頂唔順形容Samantha為「長期閃光彈」。
本來聽曬男友話低調處理戀情，近月為防發電機江嘉敏，黃嘉樂攝影師女友Samantha亦開始在IG出招，每日一po放閃、每次都tag埋男友霸地盤。
宣示主權
據知情人士透露，正印要宣示主權原來係為江嘉敏所逼：「其實佢的上個星期(5月2日)至巖巖拍拖一周年，嘉樂雖然話過想儲兩年錢先結婚，但系變數可以好大，兩年後身邊系邊個邊有得保證。Samantha同嘉樂年紀差唔多、唔想再浪費時間，同埋真系覺得男友好仔唔想錯過。」
黃嘉樂拍拖拍得低調，個人IG劇集女友出鏡多過正印女友，不過Samantha就日日update拍拖動態，買情侶鞋、過情人節、生日咀嘴都照po 。
不用外出工作時Samantha亦樂得跟實男友做跟班攝影師、出席所有男友朋友聚會，抓緊機會確定自己阿嫂身份。前排與黃嘉樂孖住出席林子善婚宴。
知情人士續說：「本來Samantha對男友好有信心，都冇諗過要搞咁多野，不過江嘉敏咁進取惟有見招拆招，除左返電視臺，男朋友去到邊、見羊娛樂圈朋友Samantha都跟到實，次次仲要打埋卡曬恩愛，又成日旁敲側擊叫嘉樂快啲求婚畀啲表示，都係為左全世界都知佢系嘉樂嫂、希望有人知難而退啫！」
三十多歲Samantha雖然唔夠23歲江嘉敏嫩口，但身形健美又有主見，經常自曬bikini，身材不比電視臺小花差。
與黃嘉樂年紀相若的 Samantha是資深婚禮攝影師，不時還親自上陣做model，氣場十足身材亦有睇頭。
有十年婚禮攝影經驗的Samantha在攝影圈薄有名氣，又因為同圈中人熟絡與黃嘉樂不乏話題，去年黃嘉樂老友張頴康帶埋老婆女女拍大肚照，亦是Samantha操刀！