Xi jiro，Yinjang ma gai ho dvo yangyi amyi bup zheq, lago awo yuq ge dut bum e mu toq tang ma, mingzvang eq mau、ginwang 3zvang yomu gon rungwap mai laming ma lago lo kat zhepgon gvo mai xisu dut e abvun awang wo se bigvo.
Lvomo 12qap 25nyi ri, lusik gva mizving su Pyinyen myuqwa Da mangbyin wa ma Hong Yunghua yvum bang gai ho dvo yangyi yo ma dum zhe lo be, hi ma hai ara lago wo yuqzhvoi bum e yangyi yo gi abo bo zhvoi bum be, amyi bup zheq lui tang ma dumbvuq ho dvo jo lazvui ran ngvut gvilvang, asu e yvoyvo mai yuq gvo bum lo be,tang ma dum bvuq ho xibve yuq e lazvui ri age、yo laqang zhe akui zhe lashang da dvo ashi, myo su azo azui toq bum shi.
10myi gvo ma, lawa za Si Zhiyu yvum bang lvomo xiqap lvo u ma dum sai bvuq ho dvo yangyi yo 2-3mu ri，akui lazvui ranran za gvut yuq toq bum be. Xigi xi jiro mingzvang、mau、ginwang zvangkang mo yomu gon rungwap eq loqsang sira bve laming ma lago lo kat zhepgon wu mu dai toq dvo byi qo eq ang ra ga.
Lvomo 12qap 6nyi ri, 「Yinjangma gaiho dvo yangyi amyi bup zheq bum e」 lusik byvo toq gvat mai, mingzvang yomu zhimu byvo myvin wap ma loqsang sira、mau up mudve zau Li Zhinhon、mau ginwang yomu gonrung eq yomu zhimu byvomyvin wap ma nvikbo eq loqsang sira bve Yinjang ginwang Juchin、Yuq sunglin、Taipyin、Nongzhang bve mauwa ka lo lui, wa ma mingbyu wui gaiho dvo e joqmyo yangyi yo xibve ma lago lo kat zhep gon wu nyi bigvo.
Sakung mau yomu gonrung rung up mudve Li Wuixen dai ri: Akui ginwang gom ma amyi bup zheq bum e midung shilvai yo gi 4389mu，gaiho dvo yangyi yo gu ma 3.36 % zang byvam ra. 10qap lvo u eq lvo gung ma ho qo gvat e Lishu 6hau ga amyi bup zheq e zhe myo ra ga.
Zhimu byu Loq Yuwuidai ri: Mausoq bam pyang gi hi zan le toq myvang ra；Gai ma ung bum e amyi ri lazvui nu ashi, mingbyu wui howa gaiho yam mai za wu mu ho zhang gi, azo raurau awo yuq, danggve su tang ma lago za wo gon ge zhang gi, kimyvo hai ara ngvut ra.
Yomu zui loqsang sira bve dai gvo ri, kizan gi mausoq eq ga lui yangyi shu yu aqing tang 30 nyi gvo lo jo gvat ra dut be, dum ngvutzhang kizan le yangyi ho yam ri Yinjang ma mausoq ga zan le toq lazvui zhe myvang ra、mau dum myo，myisoq nye、wui bamsoq myvang dut lui，amyi ho qo gvat tang bup zheq byvam、raurau awo yuq toq dut bum be.
Myo su gi raurau dum sai bup ho, lawam gi ga zhung howa dum tai ho dvo bigvo. Akui yangyi xi xiqap lvo u le toq ma zhe wo yuq zhvoi bum be.
Wa byu Dau Bauyen dai ri: Xiqang gi tang ma dum sai ho e ngvut le, akui yvoyvo mai yuq toq bum be, shu yu aqing lvomo laqap myit gvo tang jo ra dut ra, xiqang gi dum sai bvuq ho e，yuq e gi ge ra asu e dviqdviq gvogvo za dut ra, xiqang ma eq lawa wo shu ra,tang ma lago za gonzui nyi, apau lazvui myvang za wo ung zhang gi myo za wo shuzo ra ngvut le.
Myigon wu mai wo se ri, joqmyo yangyi xi nganvung mau ma gai ho ri zvomra myang be, hekun mai gaiho lo nyi howa lamyvu ngvut le, zhimu paqzhvi zhe ri zhegvung bum, kizan xisu dut toq bum e muzo mai wu mu, lvomo 12qap 20nyi ri， Sakung mau yomu gon rungwap mai《Zvang lagvam yangyi gai ho gon lazhang qo ma wum o sai gvat shang》ga misat dvo bigvo，maugom zvangkang mo yomu gon rungwap、ozvang sengang rungwap bang bve muzo xiri nik mai sai myit se yu lui, kizan dut toq bum e muzo xi lago piran zuige byi shang, laha zhang tang le nobau lvomfang muzo、zhimu paqzhvi kojvo mvoqbvan, ung toq qo ma wum o sai gvat lui, zhe nyang zhe ang dong mai lago shui gai ho ge bum shang ga.
目前，引發關注的的走訪調查「盈江馬鈴薯爛種問題」在省、州、縣三級農業部門走訪調查後有了結果。
12月25日，記者再次來到平原鎮大芒丙村民黃永華家的馬鈴薯地。此前出苗正常的田塊茂盛的種苗已經相繼開花，爛種後補種的田塊儘管種苗有些稀疏，但也在逐漸成長。而出得特別不好、翻種過的一塊田至今種薯還在休眠狀態，大多沒有發出芽來。
幾十米外，同村村民思治友家12月初翻種的幾畝馬鈴薯，目前也已陸續出苗。這與日前省、州、縣各級農業部門及專家走訪調查時分析的有關氣候、種薯休眠期等成因基本吻合。
12月6日，在有關「盈江馬鈴薯爛種」的報導發出後，包括省農業技術推廣總站工作組專家、副州長李正環、州縣農業農村局和農技推廣中心的負責人及農業專家，相繼到盈江縣舊城、油松嶺、太平、弄璋等鄉鎮，對冬馬鈴薯出苗情況、種植農戶和相關合作社展開走訪調查。
德宏州農業農村局副局長李維獻：目前全縣爛種相對較重的田塊約4389畝，佔已播種面積的3.36%。10月上中旬播種的麗薯6號爛種較突出。德宏州農業技術推廣中心馬鈴薯研究室主任高級農藝師羅有衛：氣溫溼度比往年高；種薯推遲上市沒過休眠期，百姓按照節令住種植，出苗慢。如果後期管理的好的話，大體上不會影響產量。據農業專家介紹，今年種薯產區特殊的氣候條件致使種薯成熟期推遲近30天。種薯休眠期未過，加之今年種植季盈江較往年氣溫高、降雨多，土壤溫度高、溼度大，種薯播種後發生薯塊腐爛、出苗遲緩現象。大部分種植戶及時採取翻種、補種，少數種植戶採取改種其他作物的方式止損。目前，馬鈴薯後續生長情況較之12月上旬有了較大改善。
弄璋鎮下緩線村民刀保元：這邊是後來翻種的，現在慢慢出來了，收穫要推遲一個多月了。這邊是補種的，長的還可以只是大大小小的，要等這邊一起收。後邊想用心管理了，價格好的話多收得一點。
據悉，冬馬鈴薯在我州已種植多年，屬於傳統產業，技術日趨成熟。針對今年出現的特殊情況，12月20日，德宏州農業農村局下發《關於進一步加強馬鈴薯種植管理工作的通知》，要求全州各縣市農業農村局、局屬有關所站提高認識，認真解決今年馬鈴薯種薯中存在的問題，並對做好後期的病蟲害防治、宣傳培訓、加強產銷對接、規範種薯市場等問題作出要求。
翻譯播音：梅普班用
視頻製作：譚麗芹
編輯：趙芹芳
審核：鄭海洪