粵語諧趣俚語雜錦

    粵語方言裡面有好多好多有趣嘅俚語，哩啲俚語形象又生動咁表現出貼切嘅意思，令人嘆為觀止。

  　諧趣俚語雜錦　

　　 諧趣一：

　　知唔知男人有幾多種叫法？其實我自己都唔知，因為多到數唔清，下面就列舉幾個：

　　最正路就系叫男人

　　社交稱呼都叫先生

　　死咗老婆嘅叫寡佬

　　鍾意呃女仔嘅叫金魚佬

　　下流猥瑣嘅叫鹹濕佬、麻甩佬

　　鄉下嚟嘅叫鄉下佬

　　國際友人叫鬼佬

　　有啲女仔氣嘅叫乸型

　　唔中意女人而鍾意男人嘅叫基佬

　　條件好嘅未婚男士叫鑽石王老五

　　冇女朋友叫光棍（喺BBS叫光光）

　　 諧趣二（IIA級）：

　　其實粵語用嚟鬧人嘅非粗口都有幾多詞咖，下面摘錄咗一少部分，不過你哋千其唔好亂咁用呢啲詞鬧人啊。

　　 「茂理」——指傻傻地嘅人。

　　 「木嘴」——同「茂理」其實差唔多意思，都係指一個人傻傻呆呆，不過木嘴側重於形容一個人嘅外表，而「茂理」側重於形容一個人的內在。

　　 「粉腸」——「粉腸」系當你睇唔順一個人時用嚟形容佢嘅，意思都係話佢唔叻得去邊。

　　 「頂你個肺」——處於粗口嘅邊界，意思同某一個粗口詞差唔多，不過語氣較輕。

　　 「廢柴」——形容一個人系廢物。

　　 「碌葛」——形容人好似粉葛一樣呆笨。

　　 「水魚」——畀人搵笨嘅人。

　　 「懵盛盛」、「戇居」——蒙查查

　　 「賣剩蔗」、「蘿底橙」——大姑娘30幾歲都重未有如意郎君，噉就叫賣剩蔗、蘿底橙喇。

　　 「收皮」、「收爹」——都有叫人收聲，滾開嘅意思。

　　 「孤寒」——吝嗇,縮骨。

　　 「拾嚇拾嚇」——「傻嚇傻嚇」，傻傻地。

　　 「洗衫板」——唔使問都知道系形容身材差嘅女士啦。

　　 「死蠢」——相信系人都知道系好唔耐煩噉鬧人地蠢啦。

　　 「瘦骨仙」——形容人瘦骨嶙峋。

　　 「騎咧」——形容古靈精怪嘅人。

　　 「Call Lao Ye」——來自京劇「可惱也」，呢個詞大家都應該聽得唔少，系「豈有此理」嘅意思。

　　教住咁多先算嘞，費事你哋學壞。

　　 諧趣三：

　　歇後語欣賞

　　雞食放光草——心知肚明

　　山草藥——噏得就噏

　　繡花袋仔——人人啱

　　屎坑關刀——文（聞）唔得，武唔得

　　天堂尿壺——全神貫注

　　神臺貓屎——神憎鬼厭

　　紅番排隊去洗手間——語無倫次（羽毛輪廁）

　　紅番排隊開大——倫敦（輪蹲）

　　 諧趣四：

　　表示「行、走」有幾種講法？

　　松：「松人」，走得開心，走得願意

　　撇：單用，一個「撇」字就可以表示「我走了」嘅意思，《大話西遊》裡面就系用呢個「撇」字表現唐僧講嘢嘅簡短。

　　勐：呢個字其實同個「撇」字完全一樣意思。

　　閃：如果自己話「閃開」，就有「逃走」嘅意思，如果人地叫你「閃開」，就有趕你走嘅意思。

　　糴：跑，見《半斤八兩》歌詞賞析

　　以上部分內容摘錄自暨南大學BBS白話聊齋版

 

責任編輯：王佳