慎防失聯，記得將我地公眾號『星標』啦
張秀文、敖嘉年及蔣家旻等昨晚現身電視城，出席主演劇集《欺詐劇團》網上宣傳活動。該劇只得8集，但製作認真、拍足兩、三個月，將於4月16日上架。
該劇題材踩界，牽涉到AV女優等話題，扮演劇團女演員的秀文為籌募資金開拍電影，竟以AV女優身份影封面呃人。而「AV影碟」製作相當認真，秀文特意穿上性感內衣拍照，再加上「最強素人」、「D Cup」等敏感字眼製成實物，幾可亂真，成為劇集彩蛋！秀文受訪時笑言：「好真實。（真系D Cup？）要講㗎⋯32D，我應該瘦咗。（要著內衣喎！）真系近期最性感嘅1次，我發覺我自己愈嚟愈冇膽，唔可以好似以前咁（性感）。」
談到戲內性感演出，她說：「首集我就要盛裝去見老闆，希望攞到電影資金，可惜對方最終冇出現，造型好冷豔，騷曬我身材出嚟！」記者赫然發現其玉腿布滿紅印及瘀痕，她解釋說：「因為近排多咗返嚟公司，電視城好多蚊。咁我參加綜藝節目玩遊戲，同森美一齊跌，兩敗俱傷，佢擦走咗啲皮，我就瘀曬。」
蔣家旻於《欺詐劇團》內扮演編劇，不過應邀客串幕前，與張秀文齊齊化身AV女優吸客：「我被改咗藝名叫波多野莎莎，因為投資者鍾意『貧乳』，劇情仲交代我著肚兜畀人五花大綁，喺民初街拍，仲要有好多清兵喺隔籬！」
問到家旻是否覺得自己「貧乳」，她笑著回應：「秀文太好身材嘞，咁我覺得自己都OK嘅，所以自行加咗個對白，反問人覺唔覺得我有冇（身材）。」她又指《欺》劇其實只是意識上比較大膽，故希望稍後能於翡翠臺播放：「如果原汁原味，觀眾應該會睇得好開心。（你臺慶攞獎後搏命啲？）性感一定冇電影咁犀利，最緊要合情合理，我都系想又好機會發揮嚇啫。」
身為男主角的敖嘉年同時有《欺》劇及《夥記辦大事》推出，近期忙宣傳，他說：「我睇曬《欺》劇嘞，有啲位我感動到喊咗出嚟！」問到是否會再與無綫合作，他說：「應該系年尾。（咁嚟緊有咩新工作？）5月會開拍電影，依家同幕後搞緊個劇本，細節就未透露得住。」
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
本號聲明：文章圖片來源於網絡，版權歸原作者所有，如有侵權請聯繫我們進行刪除！
商務合作QQ：1040335247