▼ 點擊下方播放，收看馬國明訪問 ▼
當時他被問及安心事件，仍處處維護心穎，甚至叫大家給心穎一次機會，但就一直避談兩人是否分手。
安心偷食事件轟動全城。（ig圖片）
至於安仔老婆鄭秀文就選擇原諒老公，不離不棄。由於事發後馬國明已沒有再戴上他與心穎的情侶戒指，外界都非常好奇到底他和心穎現時的關係。
日前馬國明接受訪問時，再次談及他的感情現況，並以朋友來形容他與心穎的關係，即間接承認兩人經已經分手。
他透露現時的感情狀況還是挺不錯，問到他可有聯絡心穎時，他就以朋友來稱呼對方：
我只可以話我哋仲係朋友嚟嘅，我哋點都係朋友，總之唔係仇人，亦都唔介意日後一齊合作。感情事其實係幾個人嘅事，我覺得感情事真係好難分對與錯，大家無需咁大反應啦。
他直言事件已過去，大家也不要再指責心穎了。
馬國明間接承認與黃心穎經已分手。（深宮計微博圖片）
他說：
過咗去啦件事，我成日都覺得大家鬧得激烈得滯，大家唔駛鬧得咁勁。我當時都講咗，佢都知錯啦，佢真係知錯喇，佢好後悔，咁仲鬧咩呢？鬧咗就得啦，仲要一路鬧落去咩？無意思喎。好坦白講，每個人都會做錯嘢嘅，唔係一定要啄住人哋錯嘅事，一路鬧鬧，鬧落去冇意思。我希望大家俾個機會佢。
可見他依然維護住舊愛。
馬國明認為大家不用反應過敏。
至於安心事件對他有什麼衝擊，馬國明表示：
我又冇喎，我又冇咩特別改變，真係冇。其實可能係觀眾覺得好大衝擊，如果你問我，又真係唔係好大衝擊，可能我由細到大都好鍾意踢波，或者形成我唔係鍾意將自己擺先，係大家覺得好大衝擊啫？
他坦言有為事件感到生氣，但已轉化為擔心：
我回應都好清楚，我當然係有嬲嘅，但真係一段好短嘅時間，我之後係擔心多過嬲，依家都係。依家我係完全冇嬲添呀，我唯有同啲網民講嘅係大家唔駛咁嬲嘅，大家唔駛過度嬲咗，我覺得大家有啲敏感得滯。
其實唔係好大件事，感情嘅嘢嚟咋痲，大家唔駛咁大反應。我反而係擔心，因為依家都見仲有人鬧緊，其實大家都唔需要鬧，鬧乜鬼呢？
馬國明仍然好維護黃心穎。（資料圖片）
撰稿：張嘉敏