點擊上方 ↑↑ 即可關注「金句王」
TVB嘅八點檔處境喜劇《愛·回家》因為受歡迎，所以唔單止拍咗第二輯，之後仲食住上開拍《愛·回家之八時入席》。
不過因為換走咗大部分演員，所以《八時入席》無論系口碑同埋收視都比唔上之前，部分劇情仲曾被唔少觀眾批評。
而當《八時入席》即將喺今個星期五(1月6日)完結，據知TVB嘅監製羅鎮嶽原來已經準備開拍新一輯處境劇：
以百貨公司嘅網購部為主題，仲暫定叫《愛·回家之開心速遞》添！
咁搞法，唔通《愛·回家》系列真系要繼續、無限做～落去？
羅鎮嶽就話：「過往嘅處境劇都系以家庭為主，今次當然不例外啦。而故事除咗家庭，因為網購依家都好hit，就會講到一間百貨公司，入面開設嘅網購部，系由呢度開展出嚟嘅故仔。」
《愛·回家》(第一輯)
劇集圍繞「馬氏一家」、律師樓同演藝圈嘅生活點滴發展，因為「馬家」成員都幾有觀眾緣，而且多段愛情線都吸引到人追睇，所以劇集頗受歡迎。
《愛·回家》(第二輯)
換走咗唔少《愛·回家》嘅原班人馬，劇集嘅收視同口碑都大不如前。角色刻畫無之前出色，加上以健身中心同海味店做背景唔太合觀眾口味，所以後尾都要搵「馬家」回歸返嚟救收視。
《愛·回家之八時入席》
演員繼續大換血，不過有黎耀祥同毛舜筠撐場，佢哋嘅「世紀之吻」都曾經成經掀起話題，收視口碑算系唔差。當然同最初「馬家」嘅聲勢，自然系無得比啦～
另外，有傳新一輯《愛·回家》系集之前兩班《愛·回家》人物之大成而組合嘅。
系，我明白《愛·回家》嘅口碑系幾好，而且長青到好似做咗一個世紀（系咪已經超越咗《真情》？）
但都唔使無限消費，一方面俾人感覺系無新意，另一方面系所有稍為好少少嘅劇都要做到爛做到悶為止方休呢？
就算要翻炒，可唔可以改下個名呢又？
不過TVB嘅劇，其實就經常唔同名，但劇情咪又系以下呢堆，到時2月新一輯《愛·回家》開播，又睇下大家估唔估得中：
1. 廁所偷聽公司機密
最例牌同出現率相當高嘅劇情之一，就系喺公司廁所入面大講特講，然後俾人偷聽到，講果個仲唔會先check下有無人。
2. 公司必定出現三角戀
三角戀已經系TVB必定會有嘅劇情，至於《愛·回家》由於一定有辦公室戲份，所以就必須系由辦公室＋三角戀呢個組合啦。
3. 全公司上下必定靚仔靚女
喺公司入面，現實好多人話稍微有一、兩位比較養眼嘅男女，已經系萬幸，而喺《愛·回家》入面，無論系咩公司，上至高高層、下至普通文員，定必系靚仔靚女，尤其女仔就更明顯。
4. 屋企超級大
繼第一輯《愛·回家》入面，馬氏一家經常俾人笑幾千萬現金未開頭，甚至有一集講佢哋一家人可以夾到2億！所有處境劇入面主要場口屋企都系超級無敵咁大。
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy