近期「任何仁」呢個「藍膠人」吉祥物喺網上光速爆紅，熱爆原因除咗系多功能嘅萬能Key外，網民對佢由頭笠到落腳嘅藍色打扮，被狂嘲似系AV入面嘅「隱形人」角！儘管有人眼中視為「低俗」宣傳，但Cult到盡頭就反高潮，全民皆識「任何仁」更變成人見人愛「萬能Key」。
娛樂圈都有唔少出色嘅「任何仁」，當中徐錦江可以系萬能Key表表者，佢粗獷嘅外型加埋鬍鬚，Key埋落級英雷神到，激似度達90%，所以被叫做「雷錦江」，唔知系咪特別同英雄系列有緣，最近徐錦江就同《正義聯盟》嘅水行俠撞樣，佢自己都忍唔住自娛，同水行俠紙板公仔合照！仲有佢同英國已故Queen樂隊主音Freddie Mercry都系餅印，唯獨欠咗棚哨牙，如果話金球視帝Rami Malek扮演Freddie被受讚賞，相信徐錦江著上Freddie嘅招牌白背心一樣維肖維妙！
講完徐錦江又點少得馬德鐘，佢都系萬能Key嘅熱門人物，佢同徐錦江分別系唔系同人撞樣，而系馬神個樣Key入邊個圖像到都系三個字「好搞笑」，不論系古人、神像、卡通人物，女人、學生，總之系「任何仁」，只要key咗馬德鐘個樣已經系一個笑點，惡搞貼圖多到網上有個「馬德鐘改圖集」，歡迎任何人使用。
另一種「任何仁」就系劉江式萬能Key，劉江一向老戲骨，有網民將劉江一個劇入面一張截圖加咗個字幕「講呢啲！」，竟網上瘋傳，變成網民最常兼常講嘅萬能Key，最低死連劉江喺臺慶頒獎禮攞「傑出演員大獎」，都玩埋一份話點可以唔講「講呢啲」。
仲有一種系吳若希式「人形萬能Key」，當年容祖兒同張敬軒攞完「最受歡迎男女歌星獎」後，一人一邊夾住司儀鄭裕玲合照，唔知乜事，吳若希就「攝個身、伸個頭」埋去祖兒身邊，呢張合照最大亮點就系似Key咗吳若希入去，所以，網民極速將吳若改圖將佢Key入任何合照到，成為熱爆一時嘅萬能Key。