羅天宇入行13年，早前憑《香港愛情故事》人氣急升，劇集工作一個接一個，剛播出2周的新劇《大步走》，羅天宇飾演的「宅男」Zero已經登場，劇中愛上富家女Belle（劉穎鏇飾）。怕醜仔點追有錢女？唔劇透住。
這次羅天宇演活「宅男」一角，更自嘲現實中自己是徹頭徹尾的「宅男」……之不過，當大家想到羅天宇，舊愛全是「女神級數」，被網民封「女神收割機」，只可以說世界是沒有公平呢！
33歲的羅天宇不經不覺入行13年，自覺不再年輕要為事業和家庭好好安排。
羅天宇正為新劇《十月初五的月光》開工，稱今次角色是自己的另一面。
羅天宇接受專訪，自爆細細個已被母親培養出「宅」性格 ，他說:「阿媽怕我我學壞，連放學去打籃球都唔準，佢情願我坐系屋企打機！我好聽阿媽話，人生入面無反叛期，唔會同阿媽say no，唔準打波就唔打啦！要我去外國讀書我就去囉！當年都系阿媽強迫我參加《香港先生選舉》，我就照去！」同時指阿媽用心良苦，「因為阿媽覺得我太過內向，要我練大啲個膽，咁對我又系好事，咁咪聽阿媽話去做囉！」
羅天宇在新劇《大步走》，演宅男，自言是發揮自己真實的一部分。（圖片：電視截圖)
因為媽媽家教嚴格，羅天宇到去澳洲讀中學才初嘗拍拖滋味，「起步」比人遲但「戰績」相當彪炳。而入行後經歷的幾段戀情，舊愛苟芸慧已經成為人妻、湯洛雯亦搵到和她談婚論嫁的馬國明；陳瀅、蘇皓兒亦是其緋聞女友。
羅天宇堅稱現在單身無拖拍，要專注事業。如果現實生活中，遇上劇中的富家女，可介意女尊男卑？他說：「男仔點都想有能力去照顧另一半，我暫時就未遇到……自己拍拖系感覺行先，都要睇兩個人點相處同溝通。」成為「女神殺手」當然有原因，他承認以前拍拖，狀態是「戀愛大過天」，「我系全程投入只掛住拍拖！其實咁對自己工作都唔健康。以前細個時系咁，而家人大咗識調節，會提醒自己唔好再犯，唔想感情再影響到工作。」
憑劇集《香港愛情故事》在TVB臺慶頒獎禮首次提名「視帝」，令羅天宇更認定演員路，「入行初期的角色都系行行企企，做嚇士兵閒角，系幾迷茫。經過《跳躍生命線》、《她她她的少女時代》，尤其系《香港愛情故事》真系好大支強心針。」他分享一次難忘奇遇，「有次同阿媽、細佬系餐聽食飯，大概餐廳入面有30幾位食客啦，我坐低後就聽到隔離檯開始有人講，『你套劇好好睇呀』、『你演得好好呀』……之後有人過嚟搵我影相，聽到有人拍掌鼓勵我，跟住系全場拍手！呢個情景你諗嚇幾咁震撼，原來自己努力系有人睇到，有人認同，聽到呢啲掌聲，我毛管豎起曬、標曬汗，系好夢幻，又好尷尬咁……我知阿媽系覺得好欣慰。」
所以，這次在《大步走》中演「宅男」Zero，羅天宇期望同樣獲得觀眾的喜愛、認同，希望抹去一些觀眾對他的舊有觀感，「唔想再畀人覺得我入娛樂圈系玩、拍拖同媾女嘞！」劇中與劉穎鏇有嘴咀戲，其實女方曾和弟弟胡㻗（羅同母異父的弟弟）傳緋聞，可會尷尬？羅天宇表示：「咁又無，大家都系角色行先，我又無諗咁多喎！」
◆文章圖片來源轉自於網絡
◆本號聲明：如有侵權，請聯繫我們進行刪除，小編只是內容的搬運工，如有錯別字敬請諒。