鄧萃雯（雯女）、陳錦鴻、廖碧兒等昨日出席ViuTV全新節目巡禮，宣傳由他們主演的《婚內情》，陳錦鴻在該劇非常花心，雖有溫柔老婆鄧萃雯，但仍與談善言、廖碧兒談情，他在臺上笑言自己本身都很花心，兒時願望是長大後「一拖三」：「我想有三個老婆，一個照顧屋企，一個同我享受人生、睇話劇嘅，另一個就精明，幫我打理財務，拍呢個劇，可以圓成我兒時嘅願望。」
之後，他跟鄧萃雯一齊做訪問，問錦鴻究竟有無行動過？他謂：「唔想小朋友唔開心，要維繫家庭就要作出犧牲，我都曾經受過引誘但無行動，個仔依家都十一歲，我同佢睇法國網球大賽嘅時候，都會傾嚇邊個靚女。」鄧萃雯則直言戲內角色「好慘」，知道老公有外遇但顧全對方面子啞忍，問到拍此劇會否令到她對婚姻有不同的看法？她謂：「無諗咁多，要搵到個人，畀到百分百愛情、錫我，先會考慮婚姻。平時我做開女強人角色，今次可以拍啲溫婉戲，幾好吖！」
談到該劇播映的時間與TVB的《鐵探》對撼，雯女說：「我哋片種唔同，依家觀眾都唔會趕返屋企追劇，都系喺網上度睇，希望個圈百花齊放，各有各嘅選擇。」
節目巡禮上，播出多個即將推出的劇集與綜藝節目，當中羅家英接受《友檯VIP》節目訪問，其中一段，他透露：「有啲友臺嘅舊同事，唔尊重阿姐嘅業內貢獻同埋社會地位。」但由於只是節錄片段，所以，沒有詳述原因。
鄭少秋（秋官）、陶大宇及江若琳等昨日到九龍灣出席ViuTV新節目排陣記者會，為主演新劇《詭探前傳》宣傳。秋官扮演哲學家助警方破案，搞到「傷亡慘重」，作法時手勢多多，十隻手指「攣埋一堆」。大宇則指自己「現眼報」：「我個角色系又鬧唔系又鬧，壞事做得多，搞到返屋企整親只手指囉。」
丁蟹效應信得過嗎？
談到拍攝期間遇到的靈異事，秋官說：「烏雲密布，冇大宇喺度都大雨。」大宇即謂：「喺拍神壇嗰場戲，本來落雨但一上香即停，都畀我哋拍埋餘下嘅嘢。」問秋官會否擔心「丁蟹效應」再現？他笑笑口回答：「破咗好耐啦，嚟緊會升，大家記得補倉。（你有買？）藍籌囉，收息都好。（套劇對撼無綫《鐵探》有信心？）有，唔系都唔接啦。（欣宜話唔敢睇你演出？）佢最多只敢睇喪屍片，一系淨系睇我，唔好睇大宇哥哥，佢鬧人都好驚㗎！」在臺上，秋官被問拍攝這個劇與以前合作的電視臺感覺有何不同？他說：「ViuTV安排得好好，有足夠休息時間，悉心嘅製作。」
江若琳於戲中扮演秋官女兒，但兩父女一直有嫌隙，她說：「我見到秋官就鬧同打，希望下次合作，大家可以拍嚇溫情嘢啦。」秋官笑言被江若琳鬧到心痛：「不過畀靚女都OK嘅。」
本文來源網絡，版權歸原作者所有，如有侵權請聯繫刪除！合作QQ：1040335247