話曬一間公司有咁多藝人，除非系站穩一線，次次出嚟都已經成為焦點，否則嘅話如果要爭取曝光率，唯一最可行嘅方法，當然系性感示人！只要曝光率夠高，除左得到觀眾嘅留意之外，可以得到廣告商垂青，一眾新晉小生花旦樂此不疲去做呢件事。
但系話曬無綫依家逐步染紅，點會容許呢啲咁汙穢嘅思想喺電視畫面出現呢？劇集「洗太平地」，連藝人都要潔淨，有人秘密向報料，聲稱掌管藝員管理及發展嘅助理總經理樂易玲，噚晚向全臺藝員同事發左一個工作守則，唔鼓勵有太誇張或者賣弄身體、性感鏡頭。
與此同時，無綫亦唔鼓勵喺劇集製作上，會出現強姦或者床上情慾戲嘅情節，如果劇情需要，只可以用意會形式去交代，又或者需著三點式拍攝，會喺適當時候要著上T恤，甚至如果女藝人出埠做野，除非有多於一個女藝人，又或者有女性導演或者PA，否則嘅話需要藝員部有同事跟場。
如果啲藝員真系禁性感，以後啲三、四線藝人點樣先可以KEEP住有曝光率？
據知情者透露，今次「禁性感」呢個命令由「殼王」陳國強親自落order，早喺幾星期前，佢已同高層密斟，直至噚晚先向幕後發出「禁奶令」，有指因為想節目可以打入大陸市場，所以要嚴禁女藝人倒奶，連劇情同J2旅遊節目都唔可以太出位，如有幕後製作或女藝人唔聽指引「犯禁」，有機會被「炒魷」。
林盛斌(Bob)今年暑假為大臺拍《瘋狂夏水禮2017》玩水上活動，大玩溼身誘惑，對於無綫下令禁性感，Bob話：「其實之前暑假拍水上遊戲節目，同事已經安排女藝員全部外面要著T-shirt，因為怕佢的會走光，我都支持呢個決定，始終TVB有好多家庭觀眾包括小朋友，衣著太過暴露或某些強暴劇情可能對佢的會有影響。」
守則內容節錄，如下：
致各藝員同事
1.公司已制定製作團隊及創作團隊守則，藝員同事不論拍攝戲劇或非戲劇，公司都不鼓勵有太過誇張女性身材及賣弄性感的鏡頭。
2.公司也不鼓勵製作鏡頭拍攝時太過誇張女性身材及賣弄性感，故日後女藝員如需穿著三點式泳衣拍攝，例如水上運動、浸溫泉等的鏡頭，會在適當時候安排穿上T-shirt。
3.公司不鼓勵戲劇製作涉及強姦或床上情慾戲等情節，如有劇情需要，只會用「意會形式」表達交代。