資深甘草演員余子明曾做歌手 善心知足贏得好人緣
無線系一個臥虎藏龍嘅地方，有好多演員大家未必記得佢哋個名，但一定記得佢哋出色嘅演技，好似近日深夜重播劇集《法證先鋒》入面飾演徐田嘅余子明。75歲嘅甘草演員子明叔入行多年，飾演過好多不同類型嘅角色，不過都系飾演配角居多。雖然系咁，但系佢好知足好快樂，因為有穩定收入過生活之餘，仲認識到唔少朋友，佢更表示自己人緣好，系佢畢生嘅福氣。
子明叔曾經喺1974至1976年喺麗的電視工作，之後過檔無線，至今都已經籤約43年，同TVB有多年賓主關係。佢曾經因為綜藝節目《歡樂金宵》而獲得「大眼雞」呢個特別稱呼。子明叔加入無線後，參演過嘅劇集多不勝數，不過要數代表作一定系1981年及2001年嘅《封神榜》嘅姜子牙，至今仍然令人印象深刻。除此之外，佢喺《溏心風暴》、《大太監》、《天龍八部》、《西遊記》、《一屋老友記》、《天命》及《是咁的，法官閣下》等等都有出色嘅演出。
原來子明叔自細就好鍾意唱歌，仲試過參加歌唱比賽，與馮素波和鄭錦昌等人表演唱歌。子明叔喺加入無線前曾經做過歌手，仲希望可以紅館開演唱會，開一個慈善演唱會，再將所有演唱會收入捐俾唔同慈善機構。呢種善心愛心真系唔系所有人都有，更加值得晚一輩去學習。
入行超過40年，子明叔一直被人誤會藝人馮素波系佢太太。其實佢嘅太太系馮素雲（馮素波嘅妹妹），佢哋於1960年代去印尼演出而相識，兩人更於1972年年初訂婚。
佢系一個資深甘草演員，佢嘅知足同愛心，真系好值得一班後生演員及歌手尊重同學習。
---
商務合作QQ：2063871309
劇迷QQ5群:133989729
最新最快最全：關注訂閱號tvbvideo，回覆：2019
（長按下圖識別二維碼即可輕鬆關注）