🙈
你幾耐換一次手機殼？
好似買衫嘅風格一樣
每個人中意嘅手機殼樣都唔同
而最近喺韓國呢款手機殼就超heat
上網都會見到韓國網友刷屏po相！
無錯佢真係一款手機殼
呢個魔性十足嘅樣來自柳炳宰
其實韓國除咗靚樣Idol之外
有綜藝感多gag嘅搞笑藝人同樣好受歡迎
呢位就係目前喺韓國各大綜藝
活躍中的大勢搞笑藝人
佢之前上傳過自己忍喊嘅影片
點知網友覺得佢忍喊嘅樣超滑稽
於是乎市面上
就出現咗用呢個樣整嘅手機殼
甚至乎仲有人美甲...
柳炳宰所屬嘅YG娛樂睇啱呢個商機
喺近日發售嘅柳炳宰系列周邊商品
都有手機殼！
而且製作咗三款表情任君選擇
真係喊嘅個款比較搞笑！！！
前幾日官方手機殼開始販售
喺韓國非常暢銷
YG嘅工作人員仲發簡訊俾柳炳宰
表示銷售數字一直持續升高
話係堪稱BIGBANG級別嘅大賣！
個手機殼真係超魔性！！！
即將喺30號販售嘅其他個人周邊
目前只公開咗剪影
睇起身應該有環保袋、眼罩、衫同筆等等
唔知係咪都會同手機殼一樣嘅風格？
唔知點解有小小期待其他周邊嘅款式
睇完之後突然都想買一個！！！
更多可樂君推薦
👀 黃子華話棟篤笑做埋今次就隱退？
👯 索過港姐嘅澳門小姐撞到港姐會發生啲咩？
🎉 今次林峰同千語BB真係散咗……
官方微信：可樂生活color(colorcolor818)
官方唯一商務合作QQ：1902182069