尹天照接受電視臺訪問，分享他35年演藝生涯，用自己經驗發放正能量。自嘲「爛玩」的他爆當年讀藝訓班時險被趕出校：「我、駱達華同吳廷燁三個喺班入面會掉櫈、追打，有次玩到追入廁所，我拍門叫佢哋出嚟，點知拍錯門拍咗校長度門。」幸而最終校長「手下留情」，令他決心改過，認真學習。他又表示多年來得到貴人相助：「其中一位系電視劇監製梁天，當年我喺藝訓班畢業，佢已經搵我做男主角，後嚟接拍《我和殭屍有個約會》，將我嘅事業再推高。」
懷念得前輩提攜
當年在亞洲電視當藝人競爭激烈，尹天照憶述曾受不公平對待：「一有TVB（無綫）人入嚟，我哋就變茄哩啡，我覺得好嬲好唔公平，但因為咁變咗一團火，令自己演得更好！」談到多年來的得失，他坦言懷念一班已故的前輩，包括資深女藝人歐陽珮珊及監製蕭笙等，失去一班戰友令他痛心。
為太太淡出幕前
談及信仰，全因一位已故的髮型師好友令他篤信基督教，並改變了他的一生：「以前我為工作去做好自己，但經歷咗一段日子，我同太太都好辛苦，如果我唔信主我挨唔住。」一直是愛妻號的尹天照，為照顧患病的太太選擇淡出幕前，珍惜與家人相處時間：「人生冇嘢系巴閉，最重要系家人。」
尹天照（英語：Eric Wan Tin-Chiu，1964年10月28日－），暱稱阿照，香港男演員。1983年畢業於亞洲電視第二期藝員訓練班，隨即主持兒童節目《500飛虎隊》。曾為1980年代中期曾幾次被戲劇組高層點名力捧，但都未能走紅；進入1990年代，他終憑藉多年來的演戲經驗一步步走向男主角的位置。1998年以《我和殭屍有個約會》一劇吐氣揚眉，成為亞洲電視首席當家小生。近年，他開始踏足電影界，除參與演出外，更嘗試擔任電影監製工作。其影迷會為「Eric萌友會」。