戳上面的藍字關注我們哦！
無綫臺慶劇《誇世代》劇情愈來愈爆，在《降魔的》中不食人間煙火的胡鴻鈞竟在《誇》劇中有180度轉變，表面上是謙謙君子的他，實際上卻是喜愛重口味SM！在最新的一集中，他就顯露自己被虐狂的真面目，帶了「尚可瑤」李佳芯到其充滿機關的私竇，胡鴻鈞仲要勁Enjoy地含住個波，這個無綫版「格雷」亦令李佳芯睇到眼凸凸！唔通下星期會有充滿視覺上刺激的SM情節，真系非常吊癮！
無綫日前推出「限奶令」，對員工發出通告指日後節目唔應該過份賣弄性感，亦建議女星拍節目著三點式時要外穿一件T-Shirt。而出名「有野睇」嘅旅遊節目《3日2夜》正正因為「限奶令」生效，其中有份主持嘅歐陽巧瑩就要將裸背做SPA嘅鏡頭刪減，節目監製張志明亦承認此事。
唔少粉絲知道後都嗌失望，不過歐陽巧瑩之後亦相當識做，佢今日率先喺Instagram曬出一張喺帛琉影嘅泳衣相畀大家大飽眼福，並留言：「帛琉之旅完成～😅 Day one 著（著）住呢件泳衣 曬到心口打哂（曬）格 好彩冬天可以休息一下😅😅 去完帛琉樂而忘返 海洋 美景 陽光與海灘 導遊😍😍」
無綫周日將會舉行《萬千星輝賀臺慶》，近百小生花旦今晚於將軍澳電視城為當晚的開場序幕綵排舞蹈，當中不少藝人情侶亦同場，包括袁偉豪、張寶兒、楊明、莊思明，以及昨日被拍得一同行街的謝東閔及朱智賢（朱朱）等。
記者要求謝東閔與朱朱合照，二人顯得相當避忌，謝東閔即時耍手擰頭拒絕，朱朱則拉馮盈盈、張寶兒、張秀文等合照，最終二人找來袁偉豪及張寶兒做「電燈膽」，但袁偉豪十分「識做」，主動與謝東閔調位，讓這對緋聞情侶成功「合照」。但大合照時二人明顯隔開一段距離。
藝人黎諾懿及湯洛雯（靚湯）以劇集《燦爛的外母》夫妻檔到將軍澳出席聖誕活動，身穿低胸裝的靚湯騷兩吋事業線，她自誇腳頭好，帶摰諾懿可以一齊接show，而今次已是兩人第三次「夫妻檔」工作，希望長做長有！靚湯又曬命笑言已接了倒數活動，諾懿則未有，他說：「想有show接，但冇都唔緊要，可以陪太太同今年出世嘅囝囝小春雞。（準備羊節目？）都系留番喺屋企喇！唔敢帶BB出街，因為多病菌，我姪仔先入左醫院。」靚湯即笑他可以留家「追多個」！諾懿說：「會唔會急得滯？遲啲先！太太未復原。」
一年一度嘅澳門格蘭披治大賽車向來都引起不少人的注目，唔少城中名人都特登越洋去澳門出席呢一個盛會。而向來對賽車都十分感興趣嘅藝人蕊蕊亦都有出席，佢仲喺社交網站上載左多張睇比賽嘅相，蕊蕊身穿一身黑色低胸小背心，大騷佢嘅35E「胸器」幫一班賽車手打氣，之後佢仲企左落賽車道影相添。唔少網民都大讚蕊蕊呢一身打扮索到爆，仲有人笑言自己又要戀愛了。
巨星周潤發（發哥）有幾親民就系人都知，唔少人行街都好想撞到佢，甚至希望同佢影番張合照珍藏一下。咪以為淨系得普通小市民恨見發哥，但其實就連女星們都好恨野生捕獲佢！呢日，做左人妻嘅陳茵媺（Aimee）就喺社交網Post相曬命，指行街時終於偶遇發哥（仲要系兩次呀），令佢相當振奮！
Aimee透露：「非常興奮，今天在街上碰上週（周）潤發.我忍不住上前跟他打招呼，滿以為他不認得我，所以重新介紹自己一番，但系發哥竟然道出年前在山頂合照的一刻😱 令我十分感動 發哥，你是我永遠的偶像 #周潤發」相中Aimee同發哥都不約而同戴上黑白「情侶帽」，見到Aimee超級肉緊咁箍住發哥條頸，然後面貼面咁零距離同佢自拍，睇得出Aimee真系好興奮！心急嘅佢竟然喺社文網Post文時連發哥個姓都打錯，打左做「週」潤發……不過唔少網民見到都嗌曬羨慕，仲有人抵死問Aimee：「還記得陳豪嗎？」
歌手許廷鏗（Alfred）舉行新碟籤唱會，表示下隻碟想做快歌，笑言可以搵薛家燕一齊跳十字步。期間有歌迷叫他著多啲短袖衫及背心，他笑言都想試多些不同造型。歌迷亦向他送上幾份禮物，包括他與五月天的合照、任他填目的地的機票，以及一條「神奇之褲」三角泳褲，他見到即笑言：「肯定系我個size？」歌迷解釋送上泳褲是因為遊泳可以練體力，上紅館要練好體能，希望他快些上紅館，他笑言平時都只是著開四角boxer，司儀周奕瑋搞笑叫他即刻到後臺換上，他即笑言：「冇見你一排點解變左咁？」他亦向歌迷無奈笑問：「點解你的咁嘅？你的嘅底線咁嘅？」之後他與歌迷玩遊戲模仿MV畫面，獲歌迷打汰、又為歌迷搽唇膏等，唱歌時他又行落臺與歌迷近距離接觸。
受訪時問到會否著條泳褲？Alfred笑言：「估唔到佢的會買咁細size畀我，不過都幾正嘅，轉左公司之後，粉絲嘅突破比我更大，佢的話想我喺紅館著，我都希望如果去到紅館，如果我著得落，身形又唔太過核突，咁就試嚇。（你咁保守平時都著四角？）見到我話著背心佢的已經尖叫就知我平時幾保守，但估唔到原來佢的對呢方面咁有興趣，我希望自己系實力派，但原來喺佢的心目中我系行性感路線。」問到可是計劃上紅館開show？他表示：「plan緊，同公司傾緊，但我想做左個導聽式嘅音樂會先，一路解釋番點解做咁嘅碟，一路唱live。」
藝人陸浩明（6號）為肥媽Maria和黑妹李麗霞在伊館舉行的《黑．媽媽笑住唱演唱會2017》擔任嘉賓，穿花西裝的他提議肥媽下年開「煮重你米演唱會」：「謝霆鋒內地演唱會兩個鍾，個半鍾煮野食，再唱幾首歌，好好做！下次你煲湯用一個鍾，再唱兩首歌就搞掂。」肥媽即笑說：「唔系，佢半個鐘煮野食，另外半個鐘灑鹽。」
6號指肥媽不時問候他媽媽，這天帶了自己的爸爸和媽媽來，讓肥媽親自問候。肥媽笑說：「點解你媽咁靚但生到你咁嘅樣？你老竇都幾靚仔。」6號跳唱半首《小蘋果》後，卻被肥媽在臺上逼婚，她說：「你同人的個女（女友陳詩欣）瞓左咁耐，都應該娶人做老婆啦。你帶人去歐洲，唔通分開房瞓？」6號搶著說：「我的成晚冇瞓！夜晚好多野做，要敷面膜。」
另一嘉賓羅敏莊自言生了一個Gag，就是人人見到都笑的女兒陳禛。陳禛以Catwalk出場，但聲沙的她未能唱歌。肥媽、黑妹及羅敏莊合唱《We Like HK》，陳禛落力伴舞，贏得全場掌聲。由於時間關係，黑妹刪減了幾首獨唱歌。合唱《錢錢錢》時，二人到臺下與觀眾握手和合照，之後更和李天翔、李霖恩及陳少邦大合唱《友情歲月》，氣氛熱烈。
藝人徐熙娣（小S）向來系紅酒嘅愛好者，一得閒就會飲番兩杯。之前佢就試過飲醉之後拍片，而且喊曬口，嚇親一班網民！而呢一日，小S就喺社交網站上載左一段同大家姐食飯嘅短片，並留言：「飯真的很重要！」
片中身穿小背心嘅小S明顯已經飲到成塊面都紅曬，佢仲話自己食左大家姐煮嘅餸，而且仲影埋檯面嘅餸畀大家睇，實行同一班網友開心share。不過一班網民嘅重點並唔系落喺檯面嘅餸度，而系飲醉酒嘅小S，事關佢身穿嘅小背心相當低胸，唔少網民都叫佢要小心走光，亦有人話小S飲醉之後好好笑。
招聘業務員
1800-2500底薪+豐厚提成+各種補貼
有責任心，工作負責，有團隊
合作精神，管理維護客戶關係
有意者可在微信公眾號後臺留下聯繫方式
或和小編聯繫