冰島拖手睇日落 黃心美公開戀情
現年35歲嘅黃心美(Scarlett)，同臺灣老公Thomas拍拖五年半，結婚四年半，可惜聚少離多，最後離婚收場。
黃心美最近去咗冰島旅行，噚日喺IG就貼咗張同個男仔拖住手睇日落嘅相，公告戀情。不過，心美嘅另一半身份神秘，曾與心美傳緋聞嘅陳安立否認繫心美男朋友。
心美妹妹黃心穎回覆傳媒話：「唔知點解佢要咁神秘，系邊個要問番佢，我唔方便代佢答。但身為妹妹梗系開心，有人照顧佢，佢都經歷過一段婚姻，現在有人同佢一齊，幾好吖。」
原來心美今次仲有同二妹一齊同行去冰島旅行，心穎話：「佢哋系兩pair人一齊去，我冇份。(點解唔同馬國明join埋？)大家都忙，我拍劇，佢拍電影，根本冇時間見面。」問到佢同馬明幾時拉埋天窗？佢笑笑口話：「hahaha，順其自然啦！」
而心美嘅經理人就回應稱：「首先多謝大家關心，Scarlett（黃心美）現身在冰島度假中。系吖，佢o依家拍拖啦，多謝大家嘅關心，希望俾多啲空間佢哋啦！」
等香港同志婚姻合法 黃耀明：搵人結一結
歌手黃耀明到西九文化區出席多元性別活動，受訪時講到臺灣過幾日有同志運動，他表示會出席：「臺灣系全亞洲第一個（同志）婚姻合法化嘅地方，所以去取經，香港呢方面太落後，配唔起做國際大都市。（你之前講過如果香港同志婚姻合法，希望喺香港結婚？）其實我唔一定要結婚嘅，但如果香港有嘅話，我點都搵個人嚟結一結，咁開心，好多嘢要爭取，唔止結婚，依家有性別認同公開諮詢，社會應該多啲發聲，我都會繼續做落去，就算法例唔變，都希望人心同文化變。」
黃依汶要老公陳國坤Gel頭同著西裝瞓
藝人陳國坤監製的網劇《反黑》假九龍灣舉行慶功宴，身為主角的陳國坤因身在橫店拍戲，而陳小春則忙於拍攝內地親子節目，所以他們沒有有出席。在劇有份演出的陳國坤太太黃依汶有現身慶功宴，她搞笑謂：「我老公喺屋企唔多打扮嘅，但今次角色造型好型，我依家同佢講叫佢Gel頭同著西裝瞓，我依家系佢粉絲！」
黃依汶透露下星期待陳國坤返港，他們會帶同囝囝到新加坡旅行：「我老公唔接離港超過1個月嘅工作，佢話囝囝3歲前要多啲陪嚇，又話驚有朝一日囝囝同佢FaceTime得多，以為電話就系爸爸。（再生？）等囝囝3、4歲先再諗，因為已經唔系好夠時間畀佢嘞。」
腳踏高踭鞋抱兩歲大仔 官恩娜變「神奇女俠」？
官恩娜（Ella）喺今年8月宣布為混血醫生老公Juan-Domingo Maurellet再度陀B，至於已6個幾月。
忙於安胎兼要照顧大仔Garbriel（BéBé G）嘅Ella今日喺Instagram貼新相，原來佢今日一家三口，一齊去睇兒童音樂劇《Guess how much I love you》，出發時，Ella仲拍片上Ig，片中見到佢哋一家三口「化身」可愛動物，BéBé G仲不時搖頭，心情勁好。
後來Ella喺Ig貼圖，並以英文留言話：「帶BéBé G去看他的首套劇場音樂劇，完騷後剛好是他的午睡時間，他不讓我離開……媽媽抱我……媽媽抱我！他對我來說有點重，但我仍然很樂意抱他！」
相中嘅Ella著住對高踭鞋，個肚都幾大，再要抱起一個兩歲人仔，其實都真系幾吃力，但世上幾乎所有媽咪都系「神奇女俠」，所以，系難Ella唔到，只系旁人睇就好有啲「牙煙」咁啫……
棄權年底頒獎禮 張敬軒有脂肪肝要養生
張敬軒昨晚喺沙田新城市廣場出席音樂活動，洪卓立專程到場支持。軒仔喺香港城市室樂團伴奏下，一口氣唱出4首作品。成個商場都塞滿人，軒仔喺臺上話：「之前同管弦樂團合作好多次，但喺商場裡面就第一次，估唔到商場入面都有山頂嘅朋友，可以喺唔使咁拘束嘅環境下，聽到我最鍾意嘅尖叫聲同掌聲。」
軒仔對獲邀覺得好有意義：「呢個商場每一年都會舉行一啲文化音樂節，令到我哋呢啲流行曲歌手，都可以再有多啲有修養嘅表演，嚟緊我會多啲表演，11月同祖兒有騷合作，仲考慮明年開紅館騷，近排做碟會出歌，不過趕唔切派歌上臺，上唔切流行榜。」
即系意味住軒仔今年唔會有歌競逐任何頒獎禮，李克勤攞金獎嘅機會又再進一步，軒仔話：「唔關事，冇特別安排，呢個系我嘅選擇，多謝公司支持我。呢段時間入面，讀書學法文。自從狗仔有病，令我更珍惜身邊家人同每件事，尤其系健康，所以之前我去咗做身體檢查，結果驗出有脂肪肝，唔需要食藥，好多都市人都有呢個問題，食消夜食得太好，同飲啤酒，自從出咗報告之後，我都有盡力去戒，不過唔知戒得幾耐。」
與洪永城同場零交流 唐詩詠：在心中啦
藝人唐詩詠現身機場，剛參加完新加坡舉行的《星和無線電視大獎2017》頒獎禮的她，在頒獎禮中勇奪角色獎及最佳熒幕情侶獎，獲粉絲到場送賀及送上兩紮花。談到她昨日於綠地氈上打扮性感，她笑指靚就著，被問是否不介意性感示人？她笑笑口說：「好性感就唔好喇！」
至於對賽果可會滿意？她說：「滿意呀！因為《不懂撒嬌的女人》呢套劇團隊都有攞獎（冇視後失望？）唔會，因為仲有好多個獎，系團體嘅努力！」問到可會對無線的頒獎禮加強信心？她笑謂：「唔會話冇嘅，對套劇有信心！」
談到她與舊愛洪永城同場，二人卻沒有交流，她說：「其實男女藝人有各自嘅化妝間，咁去到化完妝就要去頒獎禮，都冇機會！（互相恭喜？）冇呀，呢啲在心中啦！」
問到她可有要求不與對方行綠地氈？她說：「冇呢啲安排，邊有得要求！（一齊行ok？）未有人有咁嘅安排喎！」
談到無線頒獎禮將會延期至明年1月舉行，她直言有聽過，可會擔心競爭再更加激烈？她笑說：「我套劇再拉遠啲囉，因為今年公司50周年，競爭系激烈啲，其實每一年都系咁㗎啦，都唔會知有咩對手，大家都期待結果！」
商務合作
QQ：3115901711 電話：13242886370