藝人黃翠如2014年憑劇集《愛我請留言》入屋，劇中佢同「美心妹妹」楊鎧凝（Celine）嘅溫馨互動獲觀眾大讚，相隔5年，呢日佢哋終於再次合體！黃翠如喺社交網大曬同Celine嘅合照，仲用劇中角色名「朱古力姐姐」及「悠悠」稱呼大家，留言：「這夜，遇上了誰？悠悠和朱古力姐姐，長高了，長大了，還一起去看Fashion show。悠悠豬，你要快樂成長啊。」即令唔少網民表示回憶返曬嚟！
孖陳展鵬遊加國 單文柔飛上天獻出第一次
藝人單文柔（Pheobe）與老公陳展鵬日前啟程到加拿大旅行，繼到了尼亞加拉瀑布城欣賞瀑布外，她又獻出了人生第一次，在當地乘搭直升機遊飛機河。她在社交網上載坐直升機的相片，見她神情輕鬆笑容滿面，但原來相當緊張，Pheobe發文：「作為第一次，我有太多的問題和一些緊張，但這是我第一次乘坐直升機的絕佳體驗，我在空中翱翔。」她更上載了多張從高空拍下的相片，相當美麗。
祖兒開騷過勞傷患爆發 膝頭重創要坐輪椅
容祖兒早兩個星期完成咗19場演唱會，呢段時間都好應該休息放鬆嚇，佢喺社交網放咗幾張相，但唔系去玩而系一臉痛苦坐咗喺輪椅，之後見佢接受手術喺膝頭抽出兩兜黃色液體，佢表示系膝頭過度勞損所致，除咗生活不能自理之外，就連鬱嚇只腳都會痛到爆炸，情況非常嚴重！
祖兒寫咗千字文解釋發生乜嘢，早喺開騷前已經出現膝頭髮炎嘅情況，好彩可以捱過演唱會身體都冇大事發生，不過之後各個部位慢慢出現問題，最嚴重系膝頭持續腫脹同埋好似火燒一樣，原本諗住會慢慢好番，點知早兩日睇完表演之後突然急劇轉差，膝頭腫咗兩個波出嚟，鬱嚇都會刺痛，諗住瞓醒覺就去睇醫生，點知第二朝起身根本鬱唔到，腫脹情況已經由膝頭擴散至腳板底！當時祖兒試過落床，但系只腳一掂到地下就痛到標淚，叫咗媽咪嚟幫手，原本行去廁所只需5秒鐘，結果就用咗十分鐘，由刷牙到換衫全部都要人幫手，當時嘅感覺祖兒形容為畀人用多個士巴拿，喺只腳入面不停撬咁痛，最後問人借咗張輪椅，用咗好多時間終於上到車出發去睇醫生。
醫生見到祖兒嘅情況都好驚訝，經檢查後決定先進行雙腳麻醉，再抽出膝頭嘅積水，再打消炎針就會慢慢好轉，祖兒話睇見診所內寫住「救我殘肢」嘅牌扁，成個人驚到打冷顫，多得身邊嘅親朋好友不停講嘢分散佢嘅注意力，醫生隨後喺祖兒膝頭抽岀50 CC黃色液體，經過緊急治療後祖兒終於可以落地微微鬱動，休息咗一輪情況好咗好多。
因為成件事都系坐喺度唔鬱得，祖兒趁機會反思，覺得今次為藝術犧牲，就算下場如此亦表示值得，仲話日後回想番成件事會系人生最好嘅回憶，祖兒仲話好感恩傷員系喺演唱會後爆發，等佢可以完成呢壯舉！
陪莊思明返馬國！楊明同「未來嶽母」慶生
藝人楊明近日化身跟得男友，陪女友莊思明（Lisa）飛返家鄉馬來西亞慶祝母親大壽。Lisa做孝順女為媽咪舉辦生日派對，安排美酒、壽包仲有乳豬，邀請近15位親朋好友到場，相當熱鬧！不過Lisa透露其實出發冇幾耐就遇到阻滯：「今次返馬來西亞嘅目的，就系陪媽媽慶祝生日，但起飛個日可以話系一波三折！航班可以Delay成7個鐘。（仲要唔系打8號風球喎。）真系無端端喺香港機場一日遊！」
但最終佢哋都順利到達，Lisa話見到媽咪開心就已經足夠：「不過點都好，見到媽咪生日玩得咁開心，咩都系值得！媽咪，生日快樂❤祝你身體健康，每日開開心心！我愛你！」
靚媽飯局！胡杏兒鍾嘉欣開盡美顏鬥索
藝人胡杏兒兩個月前生咗細仔Ryan（李奕霖），坐完月就即刻出活動搵奶粉錢，點知一轉頭，依家先生完第二個月就飛咗去加拿大，上次就同老公李乘德睇尼亞加拉大瀑布玩到溼曬，今次佢仲去埋搵老友鍾嘉欣齊齊Meet！見佢兩個頭貼頭合照勁親密，唔知系咪因為都半素顏上陣，兩大靚媽開到個美顏盡曬，兩個都實時變到皮膚白滑零毛孔，兩眼有星光，唔講都以為系兩個網紅合照！
胡杏兒仲大嗌鍾嘉欣「Beautiful mama（靚媽媽）」，仲約好下次兩家人要一齊去惠斯勒（Whistler）玩添：「Hi beautiful mama, so glad that we could come visit you in Vancouver. Eating BBQ chicken wings in your garden and baked miso salmon cooked by you in your house is just so surreal, hope we can go to Whistler together with our children SOON!!! （Hi靚媽媽，好開心今次嚟溫哥華探你。喺你屋企花園整雞翼、食住你整嘅三文魚，個感覺真系好唔真實，希望下次我哋都可以快啲帶埋自己小朋友一齊去惠斯勒玩啦！）」
傳婚後畀百萬家用 林峰攝位冧張馨月
現年39歲的林峰與28歲張馨月拍拖一年多，女方不時來港密會，進駐男友豪宅之餘，還深得林峰父母歡心。今年1月，林峰帶她回鄉祭祖，其後便傳出求婚成功，並決定在12月生日當天做老襯！
據悉，林峰相隔五年後回歸「娘家」無線拍攝第一擊新劇《使徒行者3》，將於11月底完成，有指向來闊綽的他會給女方百萬元家用。而張馨月最近亦做「跟得夫人」來港陪男友，林峰趁開劇前與未來老婆往主題公園遊玩。若冇男友陪的話，她往嘆茶睇畫展，學定做闊太。連日為《使徒行者3》開工的林峰，被問及婚事笑而不談，提到傳生日當天結婚時說：「到時會舉行Fans Club聚會，私人事就唔回應。」