點擊上方 ↑↑ 即可關注「金句王」
今年55歲嘅劉德華日前喺泰國拍攝廣告，期間要拍一場騎馬嘅場景，但只馬突然發狂將佢拋下墮馬不特止，仲踩到華仔嘅腰脊令到佢盆骨撕裂。
華仔立即被送去泰國醫院治理，然後再喺前晚乘坐醫療專機返香港，喺養和醫院接受治療。
華仔同經理人公司尋日下晝亦都有發聲明同埋報平安：「目前有醫療團隊很妥善的照顧，我一切平安，請大家不用擔心，謝謝大家的祝褔。」
墮馬受傷真系可大可小，希望佢吉人天相，早日康復啦！
由今次嘅意外，就可以得知華仔嘅影響力，系幾咁大，亦都好多人關心同關注佢！
能夠咁成功、有如此地位嘅藝人唔多，佢仲被好多香港人稱之為「民間特首」添，而佢做到呢個地位，可以歸因於以下幾個因素：
1. 敬業樂業
華仔自2000年起擔任呢個飲品品牌嘅形象代言人，經常都要親自攀山涉水去拍攝靚嘅畫面。
其實今次都唔系佢第一次受傷，好似01年《全職殺手》就試過個頭撞正地鐵門頂、03年《大隻佬》揸電單車時就撞車兼傷及舊患。不過今次墮馬就系最嚴重嘅一次。
2. 形象正面
普通階層出身嘅華仔憑個人努力達到今日嘅成績，好似以前佢曾被人批評唱歌唔得，於是佢不斷磨練自己先唱出今日咁多經典歌曲。
加上佢一直都形象健康良好、系全能藝人、同媒體關係正面又出名錫fans，雖然曾經一度瞞婚而被人評佢為「大話天王」。
但為咗保護家人絕對為人理解同體諒。所以佢一路都系大眾偶像更加有「民間特首」之稱。
3. 多棲發展
自1980年考入藝員訓練班開始，華仔就開展佢嘅演藝仕途。首先當然系電視劇，其後系82同85年開始涉足電影圈同歌唱，至今一直活躍。
拍過嘅唱過嘅無數，好多更加系經典同深入民心，而且多方面發展都相當成功，成績有目共睹。
4. 重視他人
華仔受傷，中港臺等華人地區全部傳媒都有全面嘅報導。另外泰國、韓國，甚至美國嘅娛樂新聞網站《Variety》都有提及。
由於粉絲眾多，佢都立即向公眾交代，即使系小小嘅粉絲都好重視。
5. 工作認真又搏殺
華仔出名勤力如牛一樣，工作認真又博殺，樣樣親力親為。
即使身為天王都毫無架子，單單系呢種做人做事嘅態度，都抵佢紅足咁耐啦！
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy