肺炎疫情全球蔓延，不過，傳媒業界一向都是年中無休，即使面對疫情日趨嚴重，近日無線上下仍繼續謹守崗位，如常「啤工」趕拍劇集和節目，好似日前晚上10時許，視帝王浩信則為主演的新劇《踩過界II》到中環半山取景，非常專業！
文章來源：TVB資訊臺 iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
當日，飾演「盲俠」的王浩信於街頭拍攝回家戲份，劇情講述架上墨鏡的他手執一支盲公竹，獨自慢慢行樓梯返屋企，未料一轉入街角，隨即被6個孭曬背囊的老人家包圍，眾人不單止扯其衣領，更指罵他是「衰人」。
文章來源：TVB資訊臺 iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
拍攝期間，王浩信都好入戲，小心翼翼地用碌竹篤嚇篤嚇，一步一步行上樓梯，完全演活盲人角色，不過當導演一嗌Cut，他即刻「恢復視力」攞住部iPad同工作人員研究劇本，場面趣怪！
文章來源：TVB資訊臺 iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii文章來源：TVB資訊臺 iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
雖然這場戲20分鐘火速拍完，不過仔細一睇，正當全城戴口罩自保之際，現場幾乎無人戴口罩，其實都明白演員要出鏡，真係唔可能蒙住面拍劇嘅，之但係身邊工作人員都唔好好保護自己、保護人哋，似乎防疫意識薄弱啲喎！
TVB劇《踩過界II》停廠三日並進行消毒後，今日正式復工，王浩信戴上口罩在將軍澳電視城開工，講到病情，他說：「因為之前開工不停拍律師戲，對白好多，喉嚨唔舒服，小心為上，所以自我隔離。（有冇睇醫生？）冇，自己好少睇西醫，休息之後應該系操勞，自己亦冇流感病徵，好似發燒、乏力，只系喉嚨痛。停咗一日覺得OK，之後到其他演拍嘢嗰陣吹風病咗，出現頭痛、頭暈、屙嘔情況，所以大家都系觀察嚇好啲，依家系非常時期，大家都唔想停工，亦唔係為咗偷懶，大家注重健康係為家人、身邊人負責。
（有幕後唔載口罩？）之前已經提示過唔好當開玩笑，依家大家好注重衛生措施，公司亦做足措施，好似停車場裝咗幾部消毒機，廠內亦有空氣淨化機，同埋多人嘅拍攝場口都會延遲拍。」
文章來源：TVB資訊臺 iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
王浩信又指蔡思貝、張振朗已經康復，張曦雯喉嚨仍有點不適，拍攝亦會以演員健康為大前題。問到可要搶購口罩防護裝備？他說：「我彩有親友喺醫護，屋企一直有一兩盒口罩，都知道社區好需要口罩，希望唔好囤積，大家互相幫忙，尤其系老人唔識購。」
講到劇集到緬甸拍攝外景，王浩信指要看公司安排，相信亦會以演員健康為先，如果有危險性會改劇本，留在香港拍攝。