快將49歲的鄭嘉穎與27歲前港姐冠軍陳凱琳（Grace）拍拖三年多，12日在峇裡成婚，相距22年的兩人開花結果！
早上Grace戴上4.18卡鑽戒進行斟茶儀式，行禮則穿上低胸吊帶白色婚紗，束腰設計未覺有孕味。一對新人各自準備誓詞，新郎透露媽媽常問他什麼時候結婚：「我同佢講可能生完BB先結婚，Sorry媽咪，嚇咗你咁耐！」對Grace講誓詞時更加冧爆：「你帶畀我嘅喜悅、快樂，系從來未試過，你令我想組織家庭，同你拍拖一年左右就向你求婚，但時機未成熟要等到今年，多謝你答應嫁畀我，無論以後條路系點，我哋一齊行落去，我會照顧你一生一世，I Love You So Much！」
昨日在峇裡完成人生大事，而Grace就4度多謝嘉穎，緊張得邊講邊喊：「我好記得第一次同你見面，你第一句說話系：『你要多謝我，因為系我鼓勵咗個監製喺套劇用你。』」嘉穎則笑指：「我鼓勵咗好多監製。」令全場笑聲不斷。
Grace續說：「當初我覺得呢個男仔好古怪，第一次見面就講咁嘅說話，估唔到我哋拍拖後，嗰句多謝系反映咗咁多意思。我多謝你，我系一個好冇自信嘅人，喺我失望、對自己好冇自信嘅時候，你一定鼓勵我要堅強、要釋懷，難過嘅時刻會過去，要諗住將來嘅開心，每一次你都系啱。多謝你，教識我做人，我同你喺埋一齊就變成我哋，我哋組織家庭之後就變成佢哋，我好期待同你組織家庭。多謝你，同你一齊好幸福，同你拍拖第一日就已經好溫馨、好有愛，雖然有啲人話過多幾年就會冇，但同你一齊嘅時候就有呢種感覺。多謝你，帶畀我永遠嘅幸福。I Love You。」
嫁女的陳媽媽與娶新抱的鄭媽媽，見到二人成家立室，齊齊感動流淚，而陳爸爸雖感不舍，仍強忍淚水，全程表現得相當興奮！
嘉穎接受電話訪問時，坦言婚禮令他很感動，見到Grace步入教堂一刻已忍不住流淚，又覺得婚禮與別不同，除誓詞外，雙方都講出對對方的感覺：「呢段系我哋兩個都好感動，多謝大家嘅祝福，多謝曬！」
Grace則透露行禮前叫嘉穎先去教堂，因不想他看到其婚紗Look，當自己著起婚紗就心跳加速，個肚囉囉攣，要深呼吸及翹實爸爸：「入教堂一刻，我見到全部人企起身歡迎我哋，行到最尾時忍住唔喊，但我望住嘉穎，佢已經流眼淚，估唔到佢比我早喊，我都忍唔住喊！」她直言感覺超現實，好開心有好老公，期待將來幸福快樂。二人亦感謝親友遠道而來觀禮。一對新人禮成後步出教堂，接受親友祝福及拋花球，由Grace的圈外朋友接到，新娘更在教堂前肉緊攬實老公咀嘴，Sweet爆！
「鐵馬家族」好弟妹馬國明、唐詩詠、林子善、黃嘉樂，及老友黎耀祥、黃智賢、陳嘉寶、賴慰玲等都有去觀禮，在當地的豪華度假村玩得開心。陳嘉寶的模特兒好友在社交平臺上載婚禮花絮及晚宴跳舞片，穿上Deep V晚裝的鄭太陳凱琳笑曬口與鄭嘉穎、好友開心跳舞。婚宴場地的布置亦相當浪漫，天花掛滿燈飾，有Live Band獻唱。
唐詩詠在社交平臺上載12日晚出席婚宴的照片，跟子善食雪糕、收婚宴禮物，又與兄弟跳舞拍片。
結束旅程，她甫出大合照留言：「一段充滿愛同喜悅的旅程結束了 Thank you G&K #好攰但好開心 #鐵馬家族 #鐵馬家族去旅行 #你哋快啲結婚我又可以嚟玩」，又改口叫陳凱琳做「大嫂」，稱：「Welcome to 鐵馬 family」。