歌手@胡鴻鈞hubert 到電臺宣傳新碟《到此一遊》，他說：「好好聽，封面同入面啲相系遠赴臺灣取景，好有誠意，睇相都值回票價！啲歌好多種類，包括耳熟能詳嘅劇集歌。」
他指新碟在CD店的排行榜有好成績，感到很難得和幸福，希望下年多放時間在音樂方面。問到會否慶祝？他坦言聖誕與朋友燒烤已是最大慶祝：「喺我人生入面，朋友系好緊要。（點解冇@吳業坤 ？）佢自己話要留喺屋企，做朋友唔會迫佢，佢寧願打機都唔出嚟。（佢有冇買你只碟？）你幫我問嚇佢，我相信佢都未買。」
Hubert強調大家有在訊息群組約吳業坤，但對方有自己的選擇：「都OK嘅，唔系嗰日先見到。（佢成日唔出嚟？）唔系，但佢個人比較奇特，生活Pattern比較難捉摸，有時唔打機，有時又會揀打機放棄我哋，講起就嬲！」
問到吳業坤是否只顧追女仔？Hubert笑言只知對方最近在Aka的畫展花了五位數買畫，更嬲嬲豬掟碟說：「又唔買我只碟嘅？萬幾蚊買到一百隻碟啦。佢作為歌手系咪有責任促進樂壇？你哋真系要持平！（要絕交？）咁又未，嚴重警告佢，下次唔好亂使錢！啲錢要用得其所。（用喺女人身上唔得？）唔系，系要用啱地方，好兄弟出碟都未支持，唉，唔講啦，講起就嬲！我幅相唔靚咩？臺灣添呀！」