藝人陳曼娜上月不慎從高處墮下，跌傷後腦，留院14日先可以出院。經過長時間休息後，已冇大礙嘅陳曼娜，邀得藝人周家蔚、文頌嫻、許家傑同一班好朋友，提早慶祝69歲生日。
今日陳曼娜喺社交網上載多張靚相，見佢精神唔錯，身為主人家嘅佢，更滿場飛招呼賓客，更孖住周家蔚、文頌嫻及許家傑齊齊唱生日歌同切蛋糕，陳曼娜留言：「今年第一個生日會，謝謝美施姐悉心的安排！一眾資深的傳媒老友及昔日的好同事靚仔靚女齊到賀，大家送上創意兼心意的生日蛋糕！超有心！」無綫劇《白色強人》開拍第二集，但主角兼視後李佳芯（Ali）就被飛出冇得演續集，不過唔只佢，仲有港姐冠軍馮盈盈及何廣沛呢一對都冇得留低！
《白色強人II》前日（29日）舉行記者會，仲嚟個大曬冷，3位視帝陳豪、馬國明、郭晉安及2位視後胡定欣、唐詩詠都有出席，點知另一邊廂，何廣沛就上載2019年拍攝《白色》嘅照片，留言：「今日很多人掛住德仔！」仲加埋個流淚Emoji，字裡行間都流露不快心情，網民都洗版留言：「點解《白色強人2》冇咗你同FYY（馮盈盈）嘅？」、「本身冇咗Ali但見仲有德仔就諗住睇啦，依家連德仔都…」、「德仔跟書婷一定是去了度蜜月」，個個都喊曬口咁仲話好嬲，連江嘉敏都問：「冇咩？」
雖然呢套劇冇咗何廣沛，但佢喺新劇《異搜店》及《食腦喪B》都擔任男主角，而佢都覆網民：「仲有信仔同喪B仔畀你揀！」藝人袁詠儀（靚靚）同老公張智霖（Chilam）年年都會去杭州普陀山祈福，雖然今年遇上疫情，但兩人未有取消計劃，撇低仔仔魔童繼續行程！
靚靚喺社交網上載照片，留言：「今年的普陀山之旅，不容易，但圓滿了」不過今次就見唔到去年一同參與嘅蔡一智夫婦及周汶錡，而一行人都未有戴上口罩！
王菲與謝霆鋒2014年複合後，感情一日千裡。惟近日王菲多次被拍到與一名叫Ryan的男子出雙入對，剛巧她與霆鋒又少有互動，隨即引起外界不少揣測。
天后王菲與謝霆鋒複合後感情相當穩定，惟近日網上流出一組王菲頭戴帽子、身穿大衣，與一名工作人員現身機場的相片，結果有網民「揭開真相」再上載一張「完整圖」，並留言表示：「果然還是有Ryan」。從完整圖中所見，同行確實多了一名平頭裝的年輕男子。
消息曝光後，網友翻查資料，發現所提及的Ryan不時陪伴王菲左右，更多次同框亮相，包括王菲9月時進行網上唱歌直播，見Ryan陪伴在側；而10月初王菲參加北京草莓音樂節時興奮過度遺失手機，Ryan亦有在旁；另外還有1次兩人被拍得現身KTV房唱歌的相片。加上王菲與男友謝霆鋒近期鮮有互動，立即引起不少揣測。
應屆港姐冠軍謝嘉怡，性格可愛贏盡各方讚賞，即使早前佢傳出黑歷史又疑似爆粗，不過依家都系香港人至愛，唔少人喺網上幫口護航，加上佢當選後頻頻出活動又上電視，好自然畀人拎佢同上屆港姐冠軍黃嘉雯作比較。
尋日系Happy Friday，估唔到兩位冠軍都幾有雅興，約埋齊齊到尖沙咀海旁一間餐廳食晏仔，當中就見到兩位都以得體白色dress code上陣，黃嘉雯就扮到靚靚出席，而謝嘉怡就貫徹佢貼地作風，似乎又系素顏見人，不過佢精神勁好眼睛又Sharp醒，同黃嘉雯齊齊合照都冇輸蝕，兩個人望落感情仲好好，差不多要頭貼頭合照咁滯，So Sweet～圈中姐妹花真系有好多，最近就有新姐妹檔出爐，由鄺潔楹領軍嘅無綫小花兵團尋日就預早賀Halloween，當中就有劉穎鏇、伍樂怡同魏韻芝做膽，佢哋去到Fancy餐廳吃喝玩樂，雖然未見有仔埋身，不過佢哋4小花照化身小惡魔引死網友！
眾女之中就數鄺潔楹最性感，唔跟Dress Code全黑上陣嘅佢，以純情紫色小背心示人，即使未有谷盡事業線，不過就以「茅招」搶鏡。而魏韻芝亦都唔弱，佢都讓出白滑單肩畀大家睇，相反劉穎鏇同伍樂怡就最保守，齊齊以長袖西裝褸見人，好在佢哋顏值在線，一樣省鏡。無綫「咪神」鄧伊婷不時喺社交網大派福利，呢日佢又出招，仲搵埋媽咪拍住上！原來佢為同媽咪慶生，特別安排到酒店Staycation（宅度假），仲送上兩大束鮮花，兩母女著上浴袍坐喺床上，一齊騷出白滑美腿。相中見鄧媽媽樣子非常年輕，鄧伊婷完全遺傳咗媽媽優良基因！佢仲留言：「媽媽生日，跟媽媽去 #staycation，當然要趁機出賣她的美腿呃like，希望你今年生日過得開心難忘啦！Happy birthday！Love u」好多網民大讃佢哋人比花嬌！