【最佳拍檔】黃翠如洪永城感性剖白真摯友誼：原來已經相識10年
本文轉自網絡 不代表本號觀點
黃翠如洪永城由有線年代開始，已經系公認嘅旅遊節目最佳拍檔，大家就系鍾意佢地將私下最真嘅相處一面，於節目中毫不掩飾咁表露出嚟，睇節目都特別有共鳴，好似勾起同朋友出遊嘅回憶一樣。不經不覺原來佢地已經相識十年，仲分別喺網上真情剖白呢段友誼。洪永城話：「有啲嘢會變，有啲嘢永遠都唔會變，呢一種關係好值得珍惜。」
誰說異性間只得愛情？黃翠如洪永城可算是最佳例子。（網上圖片）
能夠喺鏡頭前將私下相處真實呈現，系觀眾大愛黃翠如洪永城合作嘅原因。（影片截圖）
之前曾經有篇網絡潮文，《我諗每個男人心裏面都有一個黃翠如》，雖然現實生活中黃翠如同蕭正楠先系一對，但佢同洪永城嘅默契，應該系無人可以取代。最近佢哋孖住去到日本，網友都相當期待佢哋系咪合體拍旅遊節目。結果揭曉啦，原來係為廣告商出埠拍短片先至真。
黃翠如笑言：「難得影到一張靚相，然後發現後面有一位公園大叔。」（黃翠如FACEBOOK）
不經不覺原來佢哋已經相識十年，短片中佢哋被問到十年前後對方有咩改變，黃翠如話：「10年前嘅洪永城，系披住豬皮嘅熊；10年後嘅洪永城，披住熊皮嘅豬；再10年之後，披住豬皮嘅豬。」洪永城就反擊：「黃翠如最值得我欣賞嘅地方，就是冇嘢值得我欣賞。無才便是德！」真正嘅朋友先會點講都唔會嬲。
真正嘅朋友先可以毫不保留恥笑、鬧醒對方。（影片截圖）
兩個人亦分別於網上剖白呢段友誼。洪永城感性地留言表示：「同呢位女子原來已經相識10年，有啲嘢會變，有啲嘢永遠都唔會變，冇變嘅系我哋難得嘅工作默契同友誼，呢一種關係好值得珍惜，點都要慶祝嚇啦。」
觀眾都相當期待呢對最佳拍檔，再合體主持旅遊節目。
至於黃翠如亦話：「呢位男子佢系對我最惡的朋友。」他說：「你身邊的人，包括你男朋友，都太錫你，所以我要對你惡。」系，有幾次，在電話中，比佢兇狠而直接地說穿了我的問題，令我一個人在路邊不停喊。十年友誼，早已變成了對方的惡爺，互相直指對方的缺點；也成了對方的字典，你不用說，我明。多謝給我們一個日本旅遊時間相聚。好，洪永城，將來有機會一起拍節目的話，再戰。」
黃翠如寫下長文，指洪永城系對佢最惡的朋友。（黃翠如IG）
---
商務合作QQ：2063871309
最新最快最全：關注訂閱號tvbdrama，回覆你想要的
（長按下圖識別二維碼即可輕鬆關注）