今年初王祖藍與曾志偉重返TVB空降做高層，祖藍出任首席創意官後，推出多個綜藝節目。日前他更自爆已息影，目前工作重心是培育下一代的接班人：「『慳啲啦Baby』、《老表，你好Hea》蔡芯等經典角色呢啲全部都係我嘅遺作。」
王祖藍日前從內地返港隔離期間，與馬來西亞女主持顏薇恩、潘毖伶於IG開直播。不少網友提起他的「慳啲啦Baby」、《老表，你好Hea》蔡芯等經典角色，不過他說今後冇演出喇，「仲淨左一套同阿sa兩年前拍嘅電影。嚟緊我都無作品啦，依家做咗管理工作之後，我都無啦依家我地呢啲老人家，最緊要係培育下一代嘅接班人，無謂自己喺度阻碇啦阻住個世界轉。」
王祖藍自從今年4月宣布以「首席創意官」的職銜回歸TVB，協助曾志偉處理綜藝節目後，雖收視至今未見大幅反彈，且TVB股價一度挫逾2%，見逾八個月低位。但無可否認，王祖藍上任後相當惜才，過往不少TVB「前朝棄將」都遂一宣布回歸救收視。
TVB歌唱比賽節目《聲夢傳奇》成功突圍，令祖藍都好振奮，他透露未來會持續朝這個方向邁進：「好似最近《聲夢》出嘅都係14、15歲嘅小朋友例如姚焯菲Yumi等，最近再搞聲夢summer camp，叫佢地同啲中學生交流，裡面會睇啲有潛質就做下一屆聲夢，類似聲夢junior嘅做法。想啲小朋友有啲健康嘅節目可以睇，可以有夢想。」
被問到身為高層，會否考慮參考韓國練習生計劃培育新血，祖藍透露新動態：「拍《山河令》嘅內地小生龔俊依家做緊《中餐廳》，係我北京公司旗下藝人，佢好乖好積極儉點聽話，幾年之間就算紅咗個人都無咩變。」
8月19日，由王祖藍旗下的文化傳媒公司——海西傳媒集團&香港手工藝創作華南總部，正式落戶廣州。
海西傳媒，是一家集經紀、演出、製作、合作、投資運營於一體的綜合性文化傳媒公司，是海西經紀聯盟旗下公司之一，聯盟創始人為鄭斌彪、王祖藍、張紹剛；手工藝創作，與海西傳媒同屬海西經紀聯盟，由邵氏兄弟電影有限公司聯同曾志偉、王祖藍合資經營，在北京和香港均設有工作室。
近年主力內地發展的王祖藍成績相當不錯，開設的公司手工藝創作旗下藝人愈發壯大。
作為這兩家公司的創始人，王祖藍在落戶儀式上表示，希望能形成「粵港澳大灣區」式運作，把香港的資源和大灣區內地市場進行深度整合，推動粵港澳影視合作。
延伸閱讀
曾志偉王祖藍回巢TVB上半年蝕少9百萬 TVB節目內地化勢不可擋？
曾志偉王祖藍回巢做TVB高層 能拯救一灘死水的香港綜藝？
【港明星】王祖藍：心中有巨人