湯洛雯孖細妹靚爆賀生日；蕭亞軒被網民鬧瘋瘋癲癲

搜索：郭富城大宅公開 方媛搭埋影棚影個夠

郭富城（城城）老婆方媛（Moka）日前趁住生日喺社交網大曬幸福，其實佢之前都不時上載生活照，拍下日常點滴同大家分享，加上近期愈曬愈多，令到豪宅意外曝光！天王屋究竟系點嘅呢？原來全屋色調以白色為主，睇落相當簡潔，不過講到明天王子，有點少得名牌「裝飾」呀！從兩人合照所見，就見到客廳中央擺有一大個名牌行李箱作擺設，奢華而不失品味！另外有個櫃就擺滿公仔，唔知系咪兩個女嘅呢？

豪宅有點會冇私人泳池，Moka可以唔使出街放心留喺屋企同囡囡遊水！而天台更建有一個一百多平米嘅私家籃球場，隨時打番場友誼波都得！仲有個地方擺滿一盆盆花草植物，仲使乜去維園睇？Moka仲好鍾意介紹佢嘅打扮，喺一段佢教網民Set頭嘅片中，就見到佢身後有個圓形大浴缸，真系勁嘆！而為咗可以隨時隨地同囡囡影靚相，佢搭建埋家庭影棚，又有彈彈床，三母女真系五星級享受呀！

搜索：愛妻生日！黃智賢搞大龍鳳勁Sweet

現年52歲嘅黃智賢唔只演得仲好煮得，因為疫情而多咗時間喺屋企嘅佢，日日化身「煮」家男人，為畫家愛妻Maggie下廚，無論中菜、西餐、泰菜等都難唔倒佢，餵到老婆飽一飽！

除咗有「賢淑」一面，原來佢仲相當浪漫！老婆生日，佢用咗好多粉紅色氣球布置屋企，又送上一紮蔬菜花，落足心機炮製驚喜，唔講仲以為佢哋啱啱拍拖呀！兩子之母陳凱琳都睇到心心睇，江嘉敏都留言：「咁sweet㗎生日快樂丫」

搜索：湯洛雯當細妹公主 湯樂瑤賀自己生日

湯洛雯（靚湯）與妹妹湯樂瑤（Cass）雖然年紀相差10年，但二人姊妹情深，尋日Cass 23歲生日，靚湯呢個廿四孝家姐除咗為壽星女親自下廚外，仲準備兩個生日蛋糕、香檳、氣球同禮物，務求令細妹生日喺屋企都能享受公主般待遇。

其後靚湯喺社交網曬出兩姊妹合照，見壽星女著上花花露肩連身裙，騷出事業線，十分養眼，而靚湯則身穿白色荷葉袖裙，甜美十足同樣吸睛，名副其實最索姊妹花！

搜索：林志穎遭嶽父逼供：有沒有和林心如聯繫？

林志穎和林心如分手多年，各自有幸福家庭，但仍然保持友好關係，最近他偕母親及太太陳若儀亮相內地綜藝節目，被嶽父「留難」問和女兒拍拖後，可有繼續跟前度聯繫？他初時大表為難，曾用眼神向媽媽求救，不過最終坦承：「有！是為了詢問可有推薦的化妝團隊，因為要幫陳若儀化妝。」

而令觀眾驚訝是，林志穎和林心如拍過拖，原來林媽媽竟然不知情，還開口問仔仔：「是誰？」嶽父即笑住說：「全世界都知道，你真的不知道？」林媽媽才坦言一直以為只是緋聞，因為她多年來沒有見過林心如本人，林志穎才說是：「很早了啦，在當兵期間交往的。」至於陳若儀全程表現大方，除知林心如是老公前度，還大讚她：「她人很好。」

搜索：焦慮症愈醫愈差？馬思純忽然現身精神病院

曾奪金馬獎「最佳女主角」的馬思純早前飽受焦慮症困擾，自爆發病時會氣喘及行動不便，甚至短暫失明，雖然7月尾時佢首度復工曾公開現身，不過之後又再失蹤，點知今次佢竟被媒體拍得現身精神病院！

近日馬思純在星期五（7日）被拍到現身精神病院，加上佢素顏上陣，比起上次首度復工見人時情況令人擔心！雖然如此，但佢昨日仍有如常工作，其工作室更曬出新一批佢做直播活動後嘅靚樣相，未知是否想一解外界憂慮。

搜索：自認似豬八戒咁鹹濕！林盛斌獲批逢豬必發

林盛斌（Bob）為動漫連續劇《西遊》聲演「豬八戒」一角，Bob被問到以聲音演繹時會不會好考工夫，他笑言﹕「豬八戒鍾意女，鹹鹹哋溼，呢樣同我差唔多，佢內心有啲軟弱，但錄音時其中幾集嚟曬料，做一個好勁好勁嘅強人，我系從來未見過咁威武嘅豬八戒。」

Bob坦言在疫情下仍有工開，加上自己又喜歡做配音工作，已很感恩：「早幾年有機會認識李居明師父，佢話你一定要做啲嘢同豬有關，你條命嚟，如果有機會做豬嘅嘢你會發，好掂㗎啦，最好拍《西遊記》做豬八戒。呢件事成日喺我腦入面，點知蕭定一突然打嚟嚕我做豬八戒，譁，今年行運啦！」

搜索：又話有人生大事！蕭亞軒被網民鬧瘋瘋癲癲

蕭亞軒（Elva）早前自爆有人生大事發生，即驚傳疑退出娛樂圈，事後佢發文指「不要過度聯想」，似暗示並非引退。而呢日佢喺社交網上載最新短片，見佢終於「出關」，仲孖住早前被指壓力大到嘔血嘅小鮮肉男友黃皓放閃，見佢哋糖咕豆咁攬到實一實，喺海旁邊攬邊行，十足連體嬰咁，認真Sweet到爆，似乎黃皓身體已無大礙。

不過有網友指Elva之前揚言有「人生大事」，如今又若無其事放閃，對此大感不解，更留言：「你這幾個月到底在幹嘛，一天到晚瘋瘋癲癲胡言亂語，你想放棄什麼了，趕緊說清楚，想罵了。」Elva即表示請禮貌一點。

搜索：陳凱琳派姜醋 龔嘉欣唔做殺手撈攝影師

前港姐陳凱琳（Grace）早前為老公鄭嘉穎誕下第二胎囝囝Yannick，呢日佢就向親朋好友派姜醋，並影靚相放上社交網同大家開心Share。見著上白色薄紗裙嘅Grace，手捧貼上「鄭」字嘅姜醋，臉上流露出幸福笑容，而背後環境則系細仔嘅BB床，見BB床貫徹之前Baby Shower嘅主題，照樣以小蜜蜂作布置，相當有心思。

Grace發文多謝親朋好友由佢懷孕以來一直嘅關心，所以特意除姜醋外，更預備咗「鄭氏家族」特製嘅小禮物給大家，以作答謝。另外，佢又公開其中一張姜醋相片嘅拍攝花絮，原來系由好友龔嘉欣親自操刀揸機拍攝，呢個好姊妹真系唔話得。