【開心速遞】盤點15大男神 「小鮮肉」都唔夠第1位咁charm？
《愛·回家之開心速遞》播映至今，成功捧紅了不少綠葉，也令《開心速遞》成為了新人的培育之地，令很多新面孔能夠「入屋」，被觀眾認識。無論新或舊人，其實當中也有男神級數的靚仔或者演員有份參演，依家就同大家數嚇「開心速遞男神榜」的十五名男神喇！
圖片來源︰Instagram﹑電視截圖﹑資料圖片
第15位—焦浩軒 飾 艾頓壯 （電視截圖）
焦浩軒今年27歲，原來仲系喺名加拿大著名學府英屬哥倫比亞大學畢業，喺劇裡面自稱「神之阿壯」，咁勁！緊系入選「男神榜」！（資料圖片）
第14位—陳榮峻 飾 譚道德（電視截圖）
現年63歲嘅陳榮峻上年同吳香倫拉埋天窗。之前仲專登喺TVB盆菜宴向吳香倫跪地求婚，雖然系「黃昏戀」，但都勁浪漫，仲唔上「男神榜」咩！
第13位—梁証嘉 飾 朱天梯（電視截圖）
梁証嘉接受訪問時透露自己曾經鍾意動畫同埋動物，去過兩間主題樂園工作，男神靚仔之餘有愛心又充滿童真啊！（梁証嘉IG圖片）
第12位—羅樂林 飾 龍敢威（電視截圖）
羅樂林拍戲多年，做綠葉嘅角色做到廣為人知，演技無容置疑，扭開電視，真系會成日見到佢！即使70歲都仲keep得好好啊。（視覺中國）
第11位—阮政峰 飾 池子孝（電視截圖）
阮政峰喺劇裡面曾經同蘇韻姿系一對，仲試過為對方努力讀書。現實中嘅阮政峰原來成日以「文青look」示人，啲相仲好靚好有feel㗎。（阮政峰IG圖片）
第10位—馮奕森 飾 陳伯強（電視截圖）
喺劇裡面人稱「傻強」嘅馮奕森為左做個「毒毒哋」又傻氣嘅角色，特登轉咗個look，但其餘現實中嘅佢都系靚仔一名嚟，同劇入面嘅feel完全唔同呢，絕對勁有potential！（資料圖片）
第9位同第8位—歐瑞偉 飾 吳家聰﹑李偉健 飾 龍力王（電視截圖）
呢一對絕對要一齊講啦，KC同Terry呢兩個角色絕對深入民心，仲好似一對孖寶咁。現實中歐瑞偉其實都系一名型佬，入行前做過龍虎武師，喺《同盟》做「易先生」一角一啲都唔輸蝕。而李偉健本身都系一個健身教練同漫畫家，絕對系唔聲唔聲啊！呢對CP咁玩得，又老友鬼鬼，佢哋邊個第8邊個第9都無所謂啦！（李偉健IG圖片）
第7位—劉丹 飾 熊樹根（電視截圖）
丹爺點解入選男神榜？佢系好戲之人就唔洗講啦，但原來丹爺本身都系潮人，好似呢張相就著左韓星G-Dragon最愛嘅Nike Air Max系列波鞋，絕對唔會輸俾你班後生啊！（資料圖片）
第6位—劉一飛 飾 曹達華（電視截圖）
終於到萬眾期待嘅曹總bb啦，劉一飛演活咗曹總呢個角色，網民勁buy，佢之前仲潮玩ig，非常玩得㗎。（劉一飛IG圖片）
第5位—吳偉豪 飾 朱凌凌（電視截圖）
1998年出世嘅吳偉豪絕對系「小鮮肉」啦，17歲就入行嘅佢系「贏在起跑線」上，喺劇集裡面仲show過一身肌肉，真系勁陽光。（吳偉豪IG圖片）
第4位—許家傑 飾 宋瑞輝（電視截圖）
劇入面被稱為「送水輝」嘅許家傑同龍力蓮（林淑敏飾）嘅一段情真系勁sweet。身為2009《香港先生選舉》嘅冠軍，許家傑又有樣又有身形，笑起上嚟仲有酒凹，好charm！（許家傑IG圖片）
第3位—周嘉洛 飾 金城安（電視截圖）
周嘉洛因為演金城安一角而成功「入屋」，榮登「男神榜」第3位。今年23歲嘅周嘉洛平時衣著打扮有啲韓風，仲笑得好好睇，咁受觀眾喜愛，第3位仲唔系佢？（周嘉洛IG圖片）
第2位—張景淳 飾 龔燁（電視截圖）
張景淳之前被網民話同佢偶像鄭伊健「撞樣」，其實系因為佢哋都留signature嘅長發，而且二人都留得好好睇。近排張景淳仲被網民指佢拍呢套劇個look勁日系，大讚佢令人眼前一亮，仲好有「仙氣」！（張景淳IG圖片）
第1位—袁文杰 飾 潮偉（電視截圖）
袁文杰出名高形高大，6呎2吋嘅身高，再加埋靚仔有型外表，絕對唔會輸比「小鮮肉」。再加上佢同張潔蓮感情穩定，不時喺社交媒體放閃，雖然早前因佢嘅母親過世，而要延期迎娶女友，但咁更加睇到佢嘅孝心，又長情又專一，男神當之無愧！（袁文杰IG圖片）
---
商務合作QQ：2063871309
劇迷QQ5群:133989729
最新最快最全：關注訂閱號tvbvideo，回覆：2019
（長按下圖識別二維碼即可輕鬆關注）