一講到1988年嘅港姐，大家一定會記得李嘉欣同埋陳淑蘭，但不能不提嘅仲有陳梅馨(現名陳明君)。
左二：李嘉欣 右一：陳梅馨
當年佢喺港姐中一個獎都攞唔到，但系後來都有幕前嘅工作。92年至96年都有喺無線拍劇，演過《壹號皇庭》系列、《刑事偵緝檔案II》等劇集，行專業人士路線，可惜發展未如意。
離開無線之後，就去咗有線發展，一改形象大走性感路線，參演過電影《Big波誘惑》、《赤裸紅唇》等等。
更於2000年，與陳昭昭及張綺桐主持有線電視收費臺成人節目《性在任你Call》。《性在任你Call》系phone in節目，節目內容大膽，主要圍繞性愛題材，涉獵到性愛姿勢、性愛用品介紹等等。
陳昭昭更試過喺鏡頭前摸張綺桐胸部，以當年電視節目嘅尺度嚟講真系行得幾前。一向乖乖女形象示人的陳梅馨，喺節目中以性感形象示人，身穿三點式泳衣主持節目，更曾遭觀眾打上去講粗口，感受辱而淚灑人前。
有網民仲搵番《性》節目嚟睇，留言佩服喺九十年代有呢啲節目好勁，又話覺得有啲phone in嘅男觀眾好似打去鹹濕電話咁。
事業不順，連帶愛情亦都碰釘，兩次戀上藝人都傻更更做了第三者。1993年，陳梅馨因為拍MV同溫兆倫撻著，當時溫與大馬富家女李美玲離異不久，但有指溫仍是人夫時已與陳梅馨一起，兩人一直keep住地下情。
溫兆倫與陳梅馨
至96年，溫兆倫向陳梅馨追討14萬港元，甚至仲發埋禁制令，結果令原本計劃赴英留學的陳梅馨計劃告吹。當時陳梅馨向傳媒哭訴：「話曬我哋都拍咗幾年拖吖！我希望佢（溫兆倫）大人有大量，放我一馬，撤銷禁制令啦！」
當時溫兆倫仲話自己冇同過陳梅馨拍拖，大家只系普通朋友，並聲稱當日系以公司名義借錢畀陳梅馨同佢家姐應急，而唔系拍拖費，冇理由借人錢唔還云云。
陳梅馨馬上反擊，拎番當日溫兆倫寫俾自己嘅情信及相片反擊，證明兩人親密關係。結果，96年2月27日，溫兆倫在黃日華陪同下入無線亮相《城市追擊》，推翻之前口供，承認兩人確曾相戀：「以前我唔認同佢拍過拖，系覺得咁公開曬啲私人信同私人相好肉酸，但有啲報導太唔中肯，唔到我唔講。」
溫兆倫於節目中力數陳梅馨，稱對方已另結新歡，但同時卻開始問他借錢，溫稱擔心自己會受騙，因此開公司支票來借錢予陳：「我追拍拖費系衰人？同佢去兩次日本、兩次臺灣，邊次唔系我包曬全部消費，大家拍拖時邊度計得咁多？講明系借嘅錢當然要還啦！」
經此一役，溫兆倫小生形象盡毀，不少人亦對陳梅馨寄予同情。可惜陳在情路上又遇人不淑，1998年接受聲稱已與金慧英分手的姜皓文追求，但原來男方根本未斷纜。陳梅馨表示自己在不知情下做了第三者，姜皓文就堅稱與金慧英手已分，可是金慧英卻爆料謂:「佢噚晚仲攬住我瞓！」再次滿城風雨。
經此二役，之後陳梅馨又自爆無端端做咗第三者，男方系半個圈中人，雖然明知對方有女朋友，但系仍未肯完全放手，佢仲話自己試過為愛情自殺：「我睇愛情睇得好重，可以為愛情放棄工作，所以我以前都試過因為感情問題而考慮過自殺。」
最後陳梅馨淡出娛樂圈，已經有一段時間唔見佢嘅蹤影。但有傳佢三年前轉咗性向，同一個叫Michelle Lee嘅女友人同居，佢哋仲不時喺社交網站曬Sweet相。
日前喺天后水星街一間日本菜鋪頭見到陳梅馨同Michelle，大約凌晨12點，陳梅馨一個人喺到收鋪，見到佢好熟手咁執嘢，隔咗一陣Michelle喺鋪頭行出嚟鎖門，佢哋兩個邊行邊傾，行咗陣仲手拖手，成個感覺好溫馨，之後一齊揸車返去西貢寓所。
據知Michelle Lee曾經做過美術指導，喺佢fb見到好多同圈中人合照，而且仲發現佢哋兩個喺2014年已經一齊，Michelle喺陳明君14年嘅生日貼咗張合照，留言話：「Happy Birthday my love！」
如今陳梅馨與TB密友Michelle共同生活，再次向愛海出發，希望今次happy ending啦！
END
看完你有什麼感想？「寫留言」
如有侵權，請聯繫小編，我們將會在48小時內處理，謝謝合作！
廣告: 13147575304 18813890358投稿、報料QQ: 2578202571