古天樂（古仔）出席旗下的天下一電影巡禮，席上公布將會今年計劃開拍及已完成的電影包括科幻片《明日戰記》、《尋秦記》、《風雲》、《犯罪現場》、《電影痴漢》、《雞蛋仔》、《BABY復仇記》……超過十部作品。
而今次電影版《尋秦記》更會以當年電視劇原班演員上陣，包括宣萱、林峰、雪兒、郭羨妮和滕麗名都現身電影巡禮！
角色同步成長
今次是《尋秦記》電影版第一次以一眾演員陣容登場，亦是首度披露故事大綱。古天樂：「故事會發生在19年後（當年劇集上畫是2000年），秦王都已經統一六國，之後發生甚麼事大家都不知道，有很大創作空間。由於是穿越劇情，所以戲中有不少科幻元素。講19年後的事，最大好處是大家都不用化妝。」
宣萱稱知古仔話拍，已經開心了幾年，現終於等到開拍這一日好興奮。雪兒則好開心，因為已經好多年沒見過這班朋友，再見到感覺好Sweet。
項少龍個仔會出現
對於劇本，古生非常重視亦一直保密。林峰：「每次跟古生傾個故仔，他都說又改咗，你知唔知？我就不停去了解。」古生透露故事跟電視版是兩個獨立創作，就算演員一樣角色身份都可能有變，唯一肯定跟電視版連接的是項少龍有個仔，至於是否劇中所講的項羽就未能透露。
郭羨妮再做琴清
Sonija會飾演昔日與項少龍一對的「琴清」，她接受訪問時謂：「好開心呀！有機會做番琴清，好多年冇見番咁多位舊同事，咁就二十年，今次電影版系一個延續，好期待。」
她又指故事各樣還在傾談當中：「《尋秦記》系我出道嘅第一套劇，拍嗰陣乜嘢都唔識，好好彩大家鍾意琴清，希望經過多年磨練之後，有更好嘅演技畀大家睇到啦！」網民都大讚Sonija雖然已做人母，但依然Keep得很好，廿年後再做「琴清」一樣正呀！
滕麗名嗌古天樂再唱主題曲
阿滕以前飾演武功高強的殺手善柔一角，暗戀好友「項少龍」古天樂，而今次，同樣要打到飛起。
阿滕上一套古裝劇已是2005年的無線劇集《御用閒人》，她謂：「《尋秦記》系好多人嘅童年回憶，咁難得集齊人兼且我哋嗰個『真』系冇乜變過，只有變得更正，所以再開拍真系好興奮，已搵番以前嗰種感覺。」阿滕坦言古天樂都向她表示今次她的角色要打到好甘，故她坦言這段時間要操身手。
接拍此片，阿滕要向無線《愛．回家之開心速遞》劇組攞檔期，幸而獲得公司遷就。說到以前《尋》劇主題曲由古天樂唱，阿滕坦言都有人問過今次會否由他再唱，阿滕笑謂：「如果大家想有番嗰種童年回憶，我都覺得應該由佢唱番。」
本文來源網絡，版權歸原作者所有，如有侵權請聯繫刪除！合作QQ：1040335247