藝人李彩華（Rain）近日工作繁忙，現時喺中山拍內地劇嘅佢，喺微博自爆發生家居意外，見佢腳趾公流咗唔少血，仲用咗好多張紙巾先可以成功止血，真系睇見都心痛！但受傷唔代表可以休息，Rain留言透露仲要著住高跟鞋上臺表演：「一宗家居意外，一會還要頂著大高跟上臺，希望傷口不要再爆開！」唔少網友都大讚佢敬業，仲叫佢要小心，唔好太大動作，要注意安全！
睇片自學魔術！陳瀅玩遊戲成身溼曬藝人陳瀅日前應邀到澳門拍攝節目，談到此行她大叫好玩：「用咗一日拍咗幾條短片，當中包括短劇、遊戲同訪問咁，行程都算好豐富，而令我覺得好有成功感嘅，就系當住識得玩魔術嘅主持人面前，表演咗一個魔術，而事前我冇特別學過嘅，只系睇咗一條片就無師自通，仲夠膽班門弄斧！」
拍攝當日天氣惡劣，陳瀅還要與一眾拍檔於海邊玩問答比賽，搞到狼狽不堪：「大風又大雨，而且每答錯一題就要被淋水，最後我全部都答錯，所以成身溼曬。」至於早前她被發現與緋聞男友羅天宇同遊日本，陳瀅再次否認戀情：「咁啱成班朋友都唔使開工，所以一齊去日本玩嚇，不過最主要原因系我要喺日本轉飛夏威夷。坦白講，我同天宇一直都只系朋友，緋聞傳咗咁耐關係冇變過，所以見到我哋一齊其實唔需要覺得出奇吖。」
謝芷倫宣布改名 網友催回歸《愛‧回家》藝人謝芷倫（Jan）憑處境劇《愛‧回家之開心速遞》「Mandy」一角彈起而為人認識，呢日佢就突然喺社交網發文，宣布正式改名做「謝㺭圻」，佢提到：「由今日開始，大家可以叫我謝㺭圻！唔系角色名，系我改左名啊！『㺭』讀子，『圻』讀奇，叫叫嚇就慣㗎喇。」唔少網友都對佢改名表示支持，指希望佢有更好嘅發展，仲話想佢以全新姿態回歸《愛‧回家》添！
樂基兒囝囝瞓住剪頭髮 網友大讚萌到爆名模樂基兒今年四月為老公Ian誕下兒子Hunter，依家有仔萬事足嘅佢，不時活躍於社交網，今日佢透露帶埋囝囝去剪頭髮，見阿仔全程好乖咁瞓覺，任得人託住個頭剪髮，唔少網友大讚佢好可愛！之後樂基兒又抱住阿仔喺佢海報前合照，而Hunter繼續瞓覺，雖然老公Ian冇入鏡，原來都有同行剪髮，實行一家三口享受家庭樂。
張智霖恢復自由身！即引大批主辦單位求合作藝人張智霖（Chilam）出席音樂劇《搭錯車》首映禮，日前有指他約滿蕭定一經理人公司後不再續約，並自資做老闆，明年4月在紅館開演唱會一事。Chilam承認已回復自由身，亦感激當年蕭定一對他知遇之恩。他稱不打算籤公司，想試下自己照顧自己。問到是否自己投資開紅館騷？他謂：「本來系咁諗，但多謝報導出咗之後，有好多主辦單位都想一齊合作。」明年4月紅館檔期大概有7至8日，他心目中3、4場已夠，情願之後去開巡迴。有指做埋巡唱他進帳千萬元？他謂：「有冇呀，我唔知喎，可能製作費好犀利，我諗住不息共本，亦唔係為錢，系想報答番歌迷多年支持啫。」
此外，胡敏珊、莊思明、薛家燕和胡楓都睇今次首映，胡敏珊更表示睇到喊，她說：「女主角閻奕格真系唱得好好，狄龍都做得好有戲味，睇得好感動！」
寫真集半裸上陣！溫碧霞捐80本做慈善拍賣「海潮」溫碧霞（Irene）繼5年前為慈善籌款推出慈善寫真集後，今個月再推出第三本寫真集《海潮》，擔任了多年愛心太使的她，今次專誠選擇慈善基金晚宴舉行當天出書，屆時更捐出80本寫真集進行拍賣，善款將全數捐贈微笑行動。
對於寫真集名字由來，Irene表示一直感恩當年憑劇集《火玫瑰》中的「海潮」角色令她走紅，故多年來沒有忘記角色為她帶來的一切，故選用該角色名留作紀念。而去年專程為寫真到塞班島取景，不惜工本籌備了一年半時間，內裡更有超過20個造型，展示了多個不同感覺的Irene，既有高貴「胭脂扣」中的表妹、豪邁野性的𡃁妹仔、誘惑釐士內衣的妲己、當然也有招牌跌膊海潮，還有難得一見的優閒家居賢妻良母造型，當中Irene騷長腿之餘，又出動背部半裸，僅穿上喱士底褲，非常誘人！而寫真集將推出香港版及內地版兩個版本，本月底率先推出靚相為主的香港寫真版，9月再推出自傳形式的內地版，香港版將會於7月書展推出，屆時更會舉行籤書會。
蕭正楠晚晚收曹永廉電話 林夏薇唔知林峰結婚
蕭正楠、林夏薇、姚子羚等在將軍澳電視城出席無線節目巡禮，對於早前有傳林峰與女友張馨月將於今年12月結婚，身為堂妹的林夏薇表示不知道，她說：「睇到新聞都好驚訝，冇聽過佢講，有開心事作為屋企人都開心。」
日前與好友曹永廉拍劇時咀嘴的蕭正楠，笑言因對方有口氣，故要求他先噴口氣清新劑才肯咀，更指拍完該場男男咀嘴戲後，曹永廉每晚都會打電話給他：「我都冇同佢傾咁多，都系畀翠如同佢傾，希望佢醒醒，我系個有家室嘅人。」
早前被指因為龔嘉欣爆料，所以與對方關係決裂的姚子羚表示，雖然現時沒有跟對方同住，但兩人仍是好友關係。她又指剛由臺灣旅行回港，問她是否去散心？她卻否認，指這次只是一般旅行。另外，好友胡杏兒將在今個月誕第二胎，姚子羚謂一班好友不時在通訊群組問對方有沒有最新情況。