Eric Kwok(郭偉亮)在上集眾故事提過，他「貼中」過不少大熱作品，但卻「貼唔中」Swing的作品，他笑言：「因為我哋啲嘢太前衛，哈哈！」維基上對他的介紹中寫到：「他對香港流行音樂水準感到失望，決定日後回港，以自己的作品去改變香港樂壇的頹風。」但他本人卻如此回應：「我應該冇講到『失望』嘅，我覺得係我啲嘢更加好咁囉，仲自大！哈哈！」
雖然對住老婆有時會火爆，不過今次Eric Kwok新歌《RIPBOY》與葉佩雯拍住上，尤其在MV拍攝、剪接方面兩人合作無間，難怪他滿意地說：「從未試過有一個MV，或者一首歌咁Eric Kwok！」。《RIPBOY》選擇以滑雪為主題出於Eric Kwok的興趣，他早兩、三年開始愛上花式滑雪，一次不慎跌斷左手但他卻笑說：「對我嚟講，整親隻手冇得滑雪係慘過冇得做音樂！」
今次《RIPBOY》MV沒有龐大製作團隊，連同Eric Kwok本人及太太只得幾個人一起製作，他說：「做到個MV係好開心，做唔到係應該㗎，哈哈！」整個製作時間歷時接近一年，在香港樂壇來說是非常奢侈。加上今次是他首次全方位包辦一首歌，曲、詞、編、監、MV拍攝、剪接全部都有參與，而且他更會聽足老婆意見，視對方為「大大監製」，對於歌曲的滿意程度，他說：「其實好好玩，停唔到呀！尤其剪片嗰陣，睇到第二萬幾次嗰陣都未厭，咁就知道隻歌都OK！」
大爆秘密！
Eric Kwok（郭偉亮）今日任ViuTV節目《晚吹—有酒今晚吹》嘉賓，Eric自言錄影時已飲到Wing Wing哋，更在節目中自爆最奇怪的恐懼，Eric表示人生中最怕曱甴及自己的大便，若要先克服其中一項，會先選擇大便，因為曱甴太可怕。
他說：「我很驚看到自己的大便，每次完事也馬上擰歪面沖廁，盡量不想看到，之前做身體檢查，也要老婆（葉佩雯）幫我放啲嘢入樽。反而睇老婆大便或幫狗狗執屎又冇問題喎！不知是否小時候屙過啲好勁揪嘅嘢才嚇親，我也想問問心理醫生。」