性感女神性格不冰冷，除了愛打機，原來生活也很貼地。「記得初識蔡思貝，佢話以為我日日去酒店食晚飯或下午茶，會講法文，實在太好笑。其實我好貼地，有時我會搭小巴出入，亦會去茶餐廳。」本身揸保時捷的張曦雯說。
近期劇接劇，但她原來已經入行8年，12年代表芝加哥出戰華姐，成為冠軍籤約TVB。可是期間有4、5年完全沒有劇拍，她說：「冇人睇到我咁！」
800呎湖景樓收租
好在她一向有做司儀和主持，前年已在芝加哥低調置業，買了一個800呎湖景單位。她指在美國買樓比香港便宜好多，只需三、 四百萬就可以買到該湖景單位，不過租金回報就比香港低。
目前她將大部分收入交給媽咪，她說：「我努力工作嘅動力，都係想嗲哋媽咪生活舒服開心。」除了要養家，也因為細佬讀醫科，醫科出名學費貴的，所以細佬自言要努力讀書，日後賺錢養父母和家姐，因為他覺得「家姐日後老咗唔靚，冇得做明星」喔！
他們兩姐弟感情很好，前年細佬回香港玩，就孖住家姐去買菜。張曦雯有5呎9吋，但細佬比她高半個頭，兩姐弟都「高人一等」。
未考慮結婚
由於香港的樓價太高，所以她未有在港置業的打算，同時不會要求男友送樓。她笑說：「佢唔係大富翁，佢富有係喺心靈上，我靠自己。」男友Mark Brunyez曾是投資銀行程式交易部副總裁，現在於香港當老闆，發展環保事業。他跟張曦雯已經在北角半山同居，但大家財政獨立。
他們相識十多年，直至兩年多前由朋友升呢為戀人，張曦雯笑稱仰慕他多時，等了多年他才發動攻勢。
在她眼中，Mark差不多沒缺點，她狂贊男友心地好。「佢好照顧朋友，係真心對人好，係最值得我學習嘅地方，有時我唔開心，會同佢呻，但佢永遠都好正面去看每一件事、每一個人，呢種性格好難得。」她笑說。
但她沒想過結婚，事關事業剛起步，Mark還要等待呢！