藝人胡杏兒出席唇膏活動，她穿上全套粉紅色西裝，真空上陣，十分性感！她笑言冇咩特別，平時屋企都系咁著，說：「好安全，我已全方位試過，跳過，唔會走光。
（你以真空上陣？）當然真空先靚，沒理由加件背心打底。」同場還有兩位閨蜜黃智雯與胡蓓蔚（豹嫂），杏兒開心表示三人能齊齊出活動，又指大家著同一色系服裝好開心，說：「我哋今日好襯，冇夾定，閨蜜即系閨蜜。」
黃智雯（左起）、胡杏兒、豹嫂齊齊化身Pink lady。
講到咁性感，是否要老公批准？她表示不需要，笑言反而要同囝囝講，又謂囝囝到十月頭就快一歲，現時十分活躍。問到會否舉行生日會？她說：「都會，依家諗緊整咩蛋糕，想搞個簡單華麗嘅派對，請啲親朋好友嚟。」
胡杏兒型得嚟又有女人味！
黃智雯曬腿現身
她又透露最近常常飛大陸工作十分忙碌，而且又要學法文，她說：「之前去法國做嘢，都好想用法文同當地人傾偈，初上堂時，老師問大家做咩工作，有啲人講整餅，有啲系律師，當到我時，啲同學幫我講系家庭主婦。
（點解佢哋咁講？）可能佢哋唔想老師知我做藝人，整蠱我，不過返校園嘅感覺系好開心，依家一星期上一堂三個鍾。」
黃智雯（左）、豹嫂