藝人蔣家旻（Angel）與羅天宇（Joey）曾喺處境劇《愛·回家》飾演兩兄妹，二人戲裡戲外都感情要好，一直保持聯絡。Angel依家就喺日本東京短期留學，而咁啱去當地嘅Joey梗系要約「阿妹」出嚟見面，行街兼撐檯腳！兩個仲好興奮由街影到去餐廳，似乎相聚得好開心，Angel留言：「我哋終於相見。」一班粉絲見到二人同框都話好掛住「馬子妮」同「馬子仁」，催佢哋快啲再合作拍劇呀！
前女排國手孫玥亂入《愛回家》無線處境劇《愛．回家之開心速遞》大受觀眾歡迎，早前搵嚟歐陽震華客串演出，而今晚播出一集中，竟然邀請到前中國女排主攻手孫玥亮相演出。尋晚《東張西望》亦已經率先播放當日拍攝花絮，一眾演員拍攝打排球戲份拍得非常疲倦之際，孫玥就突然現身為大家打打氣，個個實時叉足電，更爭相同孫玥集郵。「大小姐」亦好大膽上前請孫玥同佢哋一齊練波，傳授幾招球技。
而熱愛打排球嘅呂慧儀（長腳蟹）喺社交網上載分別當日同6年前兩人嘅合照，話說長腳蟹喺2013年參加世界女排大獎賽時巧遇孫玥，當時佢亦有把握機會要求合照。相隔六年，長腳蟹再次見到偶像實時化身小粉絲攬實孫玥，仲留言：「只要喜歡 #心就不會變 #多少年都不會變 #喜歡就喜歡 #最緊要我喜歡」
咁蠱惑？袁偉豪自爆影咗Pre-wedding藝人袁偉豪和王君馨為活動任表演嘉賓，兩人稱獲《鐵探》帶挈有商演機會，當然希望陸續有來。而袁偉豪稱8月才為新劇開工，現正休息中。提到蕭正楠和太太黃翠如在峇裡補擺婚禮，見他留言祝褔兩人，還指是蠱惑的婚禮說要向兩人學習。問到是否想秘婚？袁偉豪笑言：「佢哋好鬼多計，冇諗佢玩到咁大，上年佢哋秘婚，啱啱我開拍《鐵探》，同埋屋企有啲事所以佢哋都冇通知我。」
最搞笑袁偉豪誤以為今次蕭氏夫婦所上載的結婚相是上年的相片，經記者口中才知是新鮮熱辣補行婚禮。他得悉後笑言：「都話佢哋蠱惑喇！」問到他何時和女友影結婚相？他坦言：「之前我影寫真集有影咗一攝相，可以當Pre-wedding㗎， 雖然唔繫著禮服系便服，但個景好靚，個feel好似呀！ （咁求其女友會唔會放過你？）咁我個人好認真，呢啲唔慳得，所以要賺多啲錢先！」
自資物業做愛巢！高海寧明年秘嫁鄧智偉？首次在無線新劇《婚姻合伙人》擔任女主角的高海寧，演出備受讚賞，人氣飆升。事業起飛的她，感情生活也甜到漏，32歲的她跟音樂才子鄧智偉秘密拍拖多年，雖然兩人對愛情表現低調，但在圈中早已是公開一對。有閨蜜爆料，指高海寧與男友計劃明年飛到歐洲秘婚，他們打算倣效蕭正楠、黃翠如，結完婚返港才公布。早前高寧與李佳芯到巴塞隆納旅行，就是順道到當地物色行禮的環境。
有指兩人現正租住馬鞍山的愛巢，兩年前高海寧成功上車，在油塘置業放租，短短兩年已經升至近千萬，她更打算明年結婚時，收回物業自住作新婚居所。不過對結婚消息，高海寧回覆東網：「真系得啖笑，冇咁嘅嘅。」她還笑言該報導冇樣嘢系真，除咗贊鄧智偉叻之外！譁，冧死未！
張栢芝極罕貼「小王子」生活點滴 為細仔組裝BB凳張栢芝上年11月誕下第三胎「小王子」，兒子跟自己姓張，生父身份仍然非常神秘。柏芝自產後極少提及小王子，卻經常上載與謝霆鋒所生兩子Lucas和Quintus的生活片段，直至日前在大陸節目才開腔指自己希望有個靈魂伴侶，又指現時生活滿足幸福，最希望是看著3個兒子長大，比任何工作都開心。
柏芝今日罕有地分享小王子點滴，她在IG上載片段，正在家中砌BB圍柵，又與工人姐姐鋪設兒童膠地板，她留言說：「超級傻婆嘅阿媽，開頭細啲先慢慢加大少少，本人小小的分享，哈哈！」看來正為小王子活動範圍而頭痛。另外她又出連環圖，見她為小王子組裝BB凳，又留tag說：「最好就系生得越多越好，張凳3兄弟一齊用好化算。」似乎這張凳相當有歷史，連Lucas和Quintus都用過。
疑似性愛片網上瘋傳 姚子羚否認：不是我！因為一張「床照」，令藝人姚子羚與蔡宛珊（Sarika）前夫Raymond曾拍拖一事曝光，而Raymond亦被指除了姚子羚之外，還有圈外「二奶」。
近日，網上瘋傳一條疑似姚子羚的性愛片段，片長約5分鐘，但不少網友都評論是「流料」，只是人有相似，亦有網友指條片N年前經已流傳。記者就此事向姚子羚求證，她回覆：「我要回應的事已經回應過，片段裡面的人並不是我！多謝大家關心。」姚子羚亦希望大家不要再分享片段：「希望大家唔好再Share片段，保護番片中人，希望日後可以更加多正面新聞，發放更多正能量。」