在這個年頭，如果你從TVB藝員訓練班加入TVB，註定要跑幾年閒角，或者做下布景過下鏡。如果要有對白有角色，做處境劇算是一個好大的機會，所以現在的《愛·回家之開心速遞》便成為了很多新晉演員的試場。
在《愛·回家之開心速遞》劇中飾演湯盈盈少年版的朱斐斐，這幾年來一樣也是歷盡千辛萬苦捱過來，TVB的演員路從來都不易闖。
入行四年，不要說角色戲份，連角色名也不是常常有，很多時也是秘書、員工、客人等等過場的名字，想拎個代表人物出來？唔好意思，暫時未有。
不過好彩，機會就是來得這麼突然，因為《愛·回家之開心速遞》年青版高栢菲一角開始有人討論，等了幾年才迎來一個機會，有無曾經灰心過？
斐斐說：心灰？有時都會有㗎，不過我都好開心，一個小個角色都開始有人留意到了。由入行到有第一句對白，到有角色名有小小演份做，雖然進度系慢啲，但呢四年都系前進緊。我知道好多野要按部就班，無一步登天。我做多啲呢個層面嘅野，留意多啲前輩工作，令到我基本功紮實啲，未嘗唔系件好事。
雖然只是一個戲份很少的角色，但起碼叫做有人留意，羅馬不是一日建成，成就也不是一朝一夕可以擁有。
呢個港鐵廣告就系佢喇，大家又認唔認得呢？
有著演戲的熱誠，但生活依然要繼續，家裡只是一個普通家庭，TVB出了名人工低工時長，如何在理想和麵包之間平衡呢？
幸好斐斐想法十分長進，有多出的時間都會出去接job幫補，她說：人工系有啲低，大約每個月7000-8000，好在家裡人無反對。但我都有系出面接job幫補下，搵多啲時對自己好啲囉，搵得少時就慳啲用，後生時唔捱下幾時捱丫！我自己去casting搵嘢做丫，以前地鐵唔舒服要搵職員幫手個poster就系我了。講開呢個廣告，好多人都話好似真系病左，啲朋友話都話見到個廣告都忍唔住望下，之後有私下用個病樣做emjio。就連坤哥經過地鐵都忍唔住影左張相po ig講笑話：『咁病唔好出街，好想幫下我。』其實生活費多少對我黎講唔系最辛苦嘅，豐儉由人啦。對我黎講辛苦嘅系工作時間，你知我地「布景人物」工作時間長，要長時間作戰狀態。早到現場最遲一個拍，有時拍一個鏡頭，播出街幾秒但就用你成日精神去換翻黎，有時劇接戲時間連住，翻屋企衝個涼時間都無。好似好多野拍咁，但親戚朋友問起，又講唔出拍左啲咩，果種感覺先令我覺得辛苦。
一種無奈，一種辛酸，不難感受到斐斐心中的煎熬。
做演員最想就是得到別人的認同，如果演出來的成績甚至連批評都得不到，因為根本沒有人留意你的存在，確實是天大的悲慘。
尤其是等埋位的時候，相信有不少演員的經歷過這種等待。五點鐘起身返廠開工，心情預備好了，戲服上身了，化妝完成了，就等待著導演叫你埋位。點知一等就等到天黑，所有準備都被時間磨蝕了，終於導演拍到這場戲份，一個杯麵熟透的時間都未完，原來已經拍完。難道這不就是很多演員終身的寫照嗎？
滿腔的熱誠踏入演藝圈，想盡力做好每一個角色，為自己每一處演技不足去磨練，就是等一個能夠出位的機會。
點知一等就系幾十年，學黃子華的說話，好彩你就會等到一個角色，唔好彩？可能觀眾根本記不起你的名字，或者其實有個名字系記得，就系「好熟口面」。
做演員從來都會遇到很多不公平的事，看著每一個比她遲入片場，但更早拍攝完而且走埋的同事，斐斐明白到這一行便是這樣：咁果啲系主角，都無得去怨，呢個世界系好多野系唔公平嘅。以前有段時間好唔識諗，自己對自己期望好高，但能力又追唔上野心時，我令到自己情緒出現左問題，有憂鬱症。又好想次次系鏡前以最好狀態，刻意減肥，結果就經歷到由壓食到暴食症，不過我知呢行好多前輩都有好大壓力，好多時演員都有呢方嘅面問題。
又憂鬱又暴食，有時對自己要求太高，卻達到不預期，壓力便跟隨爆煲。有人會選擇放棄，有人會選擇降低要求，而斐斐則得到了這些病。
一個只有25歲的演員真的要承受這麼多壓力嗎？她說：我就系想做到主角，拍到有代表性嘅作品。但你都見我做左四年進步緩慢，難免同人會有比較，有時會著急，會想不開。我亦都唔想枉走一條路，到最後咩都無。我系包包面果啲女仔，有時難得有大頭有演做，就想做好啲，又想靚靚出鏡，所以好瘋狂地想自己瘦。物極必反，你越想要果樣野越得唔到，我越唔俾自己食就想食嘅欲望越大，暴食症發作，垃圾食物停唔到，兩磅蛋糕成個食，就連煮飯嘅糖、鹽都唔放過。加上有時長期翻工，暴食可以令我減壓，嗰陣肥咗成40磅，嗰時完全唔想見人，所以都無男朋友。暴食呢方面搞到我爸媽都好擔心我，由入行前好瘦好健康女仔變成身型反覆無常時肥時瘦，呢啲又系我覺得辛苦嘅。
因為這個病，斐斐由一個瘦女便成小胖，更加要為此幫襯心理醫生：「有睇心理醫生，同我傾計，我系睇政府啲心理醫生，私家太貴了，見一次都要成千幾，包藥最平都3千幾一次。政府好平，個排期就麻煩啲，我有一次要成半年。」
影后惠英紅都曾經抑鬱症，甚至上金像獎臺前都要食藥，能夠克服自己、克服病魔，未來總是充滿未知性，斐斐斷言不會放棄，因為除了喜歡演戲外，她還有一個夢想：應該都唔會離開呢行，一日唔放棄一日仲有機會。我都仲等緊機會，可以同我男神彭于晏一齊拍戲，到時佢做男主角，我做女主角。
一個少女始終都有少女夢，懷著夢想的人行路總會多一份決心，要不然這麼多年的閒角生涯，而且捱到病，這種挫折已經會叫不少人放棄。
其實當初入行就應該會知道TVB這條路一定不好行，因為見過的例子實在太多了，點解當初又會選擇走這條辛苦路呢？
她說：果段時間系啱人生轉折點，又唔想繼續升學，又唔想搵好正式嘅工做。咁啱果有時參加校際戲劇比賽，都攞獎，覺得自己都可以試下呢方面，所以佢招生時，就膽粗粗地去報名。
入得TVB人工一定少，有些人可以靠家底支撐生活，但斐斐顯然不是這類：屋企系普通家庭啦，但份糧真系只可自給自足，雖然無造成佢地負擔，佢地又唔反對我做呢份工。但咁大女孩都無真正養得起爸媽系會唔開心，所以宜家要努力啲，將來令佢地覺得有我呢個女而自豪。
就這一份堅持已經令到不少人佩服，即使將來未必會大紅大紫飛黃騰達，不過這一份經歷已經足夠令斐斐自豪，老土講句，一個人無夢想同一條鹹魚有咩分別？
陰霾過後會是藍天，她相信