如果大家有入場收看剛剛上映的電影《女皇撞到正》，你會發現飾演張繼聰死去女友的演員非常熟口熟面，但未必認不出她到底是誰，到片末Roller在銀幕上升起的時候，或者事後睇相關資料時，至知道這個Punk Rock女孩，原來是曾在《同班同學》中演出的麥芷誼（Koyi），鬼咩，真系成個Look都唔同，點認啫。
講起麥芷誼近來工作不少，除了參與《女皇撞到正》拍攝外，她亦為港臺劇《沒有牆的世界6》（2018）和《手語隨想曲6》（2018）演出，還未計算一些微電影演出，以及初嘗參與劇本創作，但其實她都有一段頗長的時間陷入低潮時期，有近一年的時間完全沒有演藝工作，她坦言這與自己在《同班同學》 （2015）中有全裸演出不無關係：「《同班同學》喺香港嚟講的確係尺度比較大，以呢套戲做起點，我都知條路系會崎嶇啲，會比起做青春劇、靚靚女女咁出道難行少少，但畀我揀多次，我都系會揀拍《同班同學》。」
麥芷誼非常清楚香港觀眾反應兩極，一方面有人非常欣賞她的演繹和付出，但另一方面卻有人將焦點放在她的身材上，甚至覺得她想一脫成名，她指自己被人誤解的確失望：「唯有靠時間同努力、堅持去證明自己唔系咁。」雖然她沒有想過自己可以靠《同班同學》，變成片場不斷、炙手可熱的新星，但她亦沒有想過可以完全「冇嘢撈」。
大學讀紡織及製衣系的麥芷誼在參與《同班同學》拍攝之前，曾經為港臺劇集《DiY2K》演出，之後做過全職售貨員，起初以為自己會「做過世」，但思前想後便覺得演藝事業比較適合她，所以毅然辭職，更聽從現時經理人的意見，參與電影試鏡：「當知道自己有份拍《同班同學》，仲要系做女主角，真系好似中咗六合彩咁！我好記得當時我系喺地鐵站收到電話通知。」
由「中獎」到拍攝，再去到衝出香港出席各大影展，麥芷誼都非常高興，但她好快便意識到「出出哋事」，她說：「有一段好頗長時間冇嘢做，屋企人都叫我轉行，問我『咁樣做Part-time做到幾時』、『搵份長工有大假、福利同花紅好好多』，有一次阿爸送我搭車，渠問我『你幾時先玩夠』，我系呆咗唔識答，之後諗返有諗唔開心、有啲介意，因為渠用咗個『玩』字，我知佢唔系有心，好彩之後籤咗新公司，開始有啲嘢做，今年都27歲，仲要喺屋企大家姐，都要有啲成績畀佢睇，等渠哋唔好太擔心。」
在這段低潮期，麥芷誼既做過兼職售貨員，又做過電影的服裝助理，她笑言做兼職售貨員時就算被客人認出也不太尷尬，因為自己沒有所謂的偶像包袱：「我好記得有一對情侶好搞笑，因為渠入咗嚟幾次，我又唔覺得渠哋系好想買嘢，我諗緊渠哋做乜鬼時，之後個女仔突然講：『你系唔系做過邊套戲』，『哦，你認得我，早講啦，我驚你想偷嘢呀』，其實多數都系想同我傾下偈，都有好多人同我講加油，或者問我點解喺度，我都好大方講，我都要搵食慨。」
其實她在心底裡給予自己一個限期，如果在上年年底前再沒有幕前演出，她便「疊埋心水」完全退出，好在彭浩翔讓她在《春嬌救志明》客串演出兼擔任服裝助理，不但使她擴展人際網絡，亦令她知道電影拍攝是如何運作：「服裝助理，可以話系執頭執尾，當時要幫演員買Bra同底褲。（幫手洗埋？）梗系要啦，唔洗好唔衛生！」主要負責跟實餘文樂的她又指自己當時不時要幫對方整理衣領：「之前成日聽人講做演員真系好幸福，我做完服裝助理後，試過每日做十幾廿個鐘，跟住個個放工返屋企瞓，但系我就要拎啲衫去洗，我先知道，做演好幸福系咩意思。（洗餘文樂底褲系咩感覺？）我唔使洗渠底褲啦，渠有私夥，其實啲衫都系拎去洗衣店洗，唔系我手洗。」
講到之後的工作，她就指自己沒有被《同班同學》全裸演出後的困局嚇怕，年初都拍了一套包含裸露鏡頭的電影：「當然個Focus好唔同，多咗啲內心嘢。（有冇諗過以後唔再除？）有段時間好負面會咁諗，但而家唔會咁，因為咁諗就應驗咗人哋講慨嘢，即系怕咗人哋點睇，同人哋諗我系想『一脫成名』一樣。」
—— 分享新聞，還能獲得積分兌換好禮哦 ——