「第36屆香港電影金像獎頒獎典禮」剛剛在香港文化中心舉行。惠英紅憑《幸運是我》獲得最佳女主角，而最佳男主角則被首次入圍的林家棟大熱奪得，而《樹大招風》同樣大熱之下奪得最佳電影。
事不宜遲，馬上送上「第36屆香港電影金像獎」得獎名單。
《樹大招風》今晚共獲得最佳電影，最佳導演，最佳編劇，最佳男主角及最佳剪接五項大獎，成為今屆金像獎的大贏家。一套製作接近五年的作品，初衷本為訓練新導演及新編劇，結果卻讓人喜出望外。
藝人黎明負責頒發「最佳男主角」，他收起平日的「金句」，認真地說：「大家都熱愛工作，想有好劇本同拍檔，大家都冇被炒魷魚，但每年點都會收到一次大信封，睇嚇邊個得最佳男主角。」
結果由大熱林家棟憑《樹大招風》成功作出「零的突破」，獲頒發「最佳男主角」，他上臺領奬後感性地說：「要冷靜啲……呢部電影去年好多聲音及風風雨雨，但得到電影公司支持，仲要多謝兩位監製杜琪峯及遊乃海，同埋臺前幕後。喺我演戲咁多年入面話畀我知，演戲系冇分年紀嘅，最緊要用心做好角色。我以自己為香港演員而驕傲，咁多年嘅變化令我感受好多，我想繼續做有血有肉嘅角色。多謝過去幫助自己嘅人，包括珍姐（曾勵珍）、萬梓良等，仲有我媽媽。」
第36屆香港電影金像獎最佳女主角終於揭盅，女星章子怡為「最佳女主角」擔任頒獎嘉賓，榮升媽咪的子怡顯得相當感性，樂於與女兒互動的她，更主動表示在後臺收到女兒催促頒獎：「女兒在我在後臺時跟我說『媽媽，你快點頒獎，我也很想知道最佳女主角是誰！』」
惠英紅以精湛演技，擊敗周冬雨、馬思純、鮑起靜和湯唯，憑英皇電影《幸運是我》第三度香港金像獎影后殊榮，惠英紅奪獎時爆喊，更與旁邊的林家棟及鮑起靜抱抱，上樓梯時更不慎跌低，在臺上她邊喊邊說感言：「其實我只手抽緊筋，要多謝《幸運是我》導演羅耀輝，多謝拍檔陳家樂，今次點解我咁激動，因為呢套其實系畀我媽咪，佢有十幾廿年老人痴呆，當收到故仔嘅時候佢已經攤咗喺床上飯都唔食，老人家系需要關注同好大包容，我要多謝老闆楊受成，因為呢套戲冇公司肯要，因為系收唔到錢，但老闆覺得唔收錢都唔緊要，最緊張系令社會多啲關注呢啲老人家，要特別多謝楊生。」惠英紅又續說：「得獎唔係為自己，同自己講唔可以放棄，真繫緊張到得番90幾磅。我已冇丟你架，我為家增光，我媽咪啱啱走幾個月，我拎獎好希望有屋企人分享，第一次拎獎時爸爸走咗，今次媽咪走咗，希望媽咪會以我為榮！媽咪，我冇丟姓惠嘅架，多謝大會、多謝評審、多支持我嘅人。
曾志偉憑電影《一念無明》，繼1997年《甜蜜蜜》後，20年後再奪最佳男配角，他在內地女星春夏手上領取獎項，他說：「好緊張，好緊張，我諗唔到我咁緊張！本來諗都攞過啦，有乜咁大不了！不過對手名單太勁，秦沛、廖啟智、吳孟達，黑仔（姜皓文）你畀心機，我一部撼你二十六部，跟住系你嘅喇，知唔知！呢啲系命嚟，上一次我攞，系新導演陳可辛，今次攞又系新導演叫黃進，大家多啲留意佢！佢寫咗個好好劇本，同畀咗個好角色我做，我睇完冇法抗拒，大家都有目共睹，個電影講嘅系城市話題，估唔到後生仔可以寫得出、拍得出咁有心嘅電影！」
志偉又鼓勵角逐影帝的餘文樂，他說：「我要多謝戲中對手餘文樂，我冇諗過佢演得咁好，同埋唔同我傾偈！金燕玲攞、我攞，下一個到你！我要多謝特登嚟支持我嘅女，就系佢話：『爸爸你拍喜劇都唔知講乜，可唔可以拍啲有深度嘅戲？』，另外，今年我哋兩父子（曾國祥）都有提名，如果一齊攞獎就冇得頂！」
好戲之人金燕玲憑電影《一念無明》，撃敗方皓玟、張雨綺、廖子妤和文詠珊，奪最佳女配角。
金燕玲得獎時爆喊說：「我冇諗做配角都可以拎到金馬獎同埋金像獎！我個女好乖，雖然唔可以一齊生活，但你要知道媽咪好錫你！」不過她卻沒有在臺上多謝閨密蘇施黃！
金燕玲憑《一念無明》獲「最佳女配角」，繼1986年《地下情》、1987年《人民英雄》、2016年《踏血尋梅》後，第四度奪此獎，她坦言憑此角色攞金馬獎、金像獎「最佳女配角」是她的心願。
第36屆金像獎完整獲獎名單
最佳導演 許學文、歐文杰、黃偉傑
最佳編劇 龍文康、伍奇偉、麥天樞
最佳男主角 林家棟
最佳女主角 惠英紅《幸運是我》
最佳男配角 曾志偉《一念無明》
最佳女配角 金燕玲《一念無明》
最佳剪輯 梁展綸、David Richardson
最佳攝影 鮑德熹、曹鬱《擺渡人》
最佳新演員 胡子彤
最佳美術指導 邱偉明《擺渡人》
最佳服裝造型 奚仲文、吳裡璐《西遊記之孫悟空三打白骨精》
最佳動作設計 董瑋《湄公河行動》
原創電影音樂 金培達、波多野裕介《七月與安生》
原創電影歌曲 「沙燕之歌」《點五步》
最佳音響效果 曾景祥、李耀強《寒戰2》
最佳視覺效果 Luke Sungjin Jung，Sanghoon Kim，Kim Chan Soo，Kim Chlu Min《西遊記之孫悟空三打白骨精》
新晉導演 黃進《一念無明》
兩岸華語電影 《一路順風》
終身成就獎 芳豔芬
（來源：八卦香港、東網、新浪微博）
微博：http://weibo.com/oncitycc