請先點擊上面藍色字體「廣東南江流域山歌」關注，方便下次閱讀！
男女情歌對唱（上）
男女情歌對唱（下）
岑溪男女情歌對唱
作者：秋水
演唱：007對淡然
男：
山歌冇唱心不開，
大路不行上青苔。
老人冇唱憶舊事，
後生冇唱妻不來。
女：
阿哥講話甘兒戲，
難道唱歌有愛妻。
唱歌能娶老婆到，
笑死樹上老畫眉。
男：
阿妹吾使學正經，
哪個貓兒不吃腥。
山歌能結連理樹，
看你本事是輸贏。
女：
唱歌贏輸靠吹牛，
生意贏錢有德收。
肚餓睇你懶鬼唱，
青菜半碗冇滴油。
男：
阿妹肚飢就出聲，
等我帶你入飯廳。
山珍海味任你揀，
十碗上臺吃冇贏。
女：
阿妹冇像你阿哥，
牛肚撐崩似大鑼。
我要魚翅當湯飲，
鮑魚碟子有燕窩。
男：
魚翅燕窩任你吃，
法國名酒任你嘗。
吃飽帶你入賓館，
睡醒帶你遊蘇杭。
女：
阿妹冇你甘骯髒，
吃飽陪你去上床。
半夜三更你詐懵，
佔了便宜妹遭殃。
男：
阿哥冇有甘骯髒，
我打地鋪你睡床。
到時我會飲醉酒，
一覺死睡到天光。
女：
蘇州美女甘鬼多，
儂怕你會換老婆。
到時被你賣豬仔，
啼哭冇淚眼像窩。
男：
阿妹吾使想甘差，
阿哥心裡有抓拿。
娶妻吾系睇顏色，
孝順勤勞人人誇。
女：
阿妹看哥真看輕，
我當你是鹹濕精。
現今才知你根底，
原來你也講文明。
男：
阿妹思想甘鬼差，
可能見我口花花。
其實我是正經仔，
村民見我猛咁誇。
女：
阿哥真系好青年，
我倆結拜訂百年，
哪個九十七歲死，
奈河橋上等三年。
男：
阿妹你講連就連，
我兩絲羅結百年。
並蒂花開結蓮子，
共同創業建家園。
女：
阿妹聽了真開心，
好像烈火煉真金。
莫學古代陳世美，
貪新棄舊找情人。
男：
阿哥不學陳世美，
阿妹要學秦香蓮。
阿哥出外做生意，
莫學夜貓叫連天。
女：
阿哥在外清放心，
夜貓叫春惹人憐。
阿妹想你耐心等，
看看照片就入眠。
男：
古代有個祝英臺，
三載同床也分開。
後來梁君相思死，
難過烈女祝英臺。
女：
阿哥你是梁山伯，
我要做個祝英臺。
相親相愛心中記，
化蝶雙飛翩翩齊。
男：
妹你此心最真誠，
猶如燈火照心明。
愛情莫學山溪水，
轟轟烈烈一陣清。
女：
阿妹不是牆頭草，
好似芭蕉一條心。
一見鍾情見到你，
字字句句最認真。
男女合唱：
為人莫學牆頭草，
要像芭蕉一條心。
舉案齊眉共白首，
相敬如賓樂天倫。
《完》
請朋友們習慣點亮一下右下角的「在看」圖案！讓你身邊更多的朋友知道。歡迎推薦、關注本公眾號，你的支持就是我的動力，謝謝！
創作不易，打賞隨意！