41歲的陳展鵬跟28歲的單文柔拍拖一年半，二人決定拉埋天窗，展鵬親自宣布這好消息，「今日，好高興同大家宣布，我要結婚啦！」婚照同時曝光，新娘子單文柔穿上露背婚紗凸顯豐滿上圍，俊男美女超級甜蜜。
「無線男神」餘德丞（Dickson）早前踢波暈倒，好彩經過一番搶救同治療，佢近日終於喺社交網報平安，仲已經出院返咗屋企好好休息添！現處於休養階段嘅Dickson，喺網上十分活躍，今日就喺社交網透露去咗茶餐廳食公仔麵，仲加多個炒蛋同多士，相當豐富。不過唔少網友都叫佢食清淡啲，唔好咁快食肥膩嘢，要忍嚇口啦！
有傳內地「千萬點擊女王」趙麗穎已懷孕超過三個月，目前半停工狀態養胎，緋聞男友馮紹峰則陪伴左右，雖然趙麗穎團隊的工作人員上月否認其事，但有內地網友表示昨日在上海某餐館野生捕獲趙麗穎和馮紹峰，二人與友人吃飯，談笑風生。雖然馮紹峰並沒有正面照片，但就有聲稱是趙麗穎的正面照，相中戴著口罩的她小腹凸起，疑似懷孕，而且看來已有喜超過三個月。
不過，有網友對相片抱懷疑態度，因為趙麗穎前日出席公開活動時，不但穿上高跟鞋，小腹亦沒明顯隆起，和網友野生捕獲時拍的照片有點差距。但也有網友指趙麗穎活動當天穿上較蓬鬆的裙子，所以有修飾效果。此外，亦有內地傳媒人早前在網上爆料指趙麗穎懷孕真有其事，只是未足三個月不能公開，眾說紛紜。
視後胡定欣昨日（9日）37歲生日，佢圈中人緣咁好，當然有唔少人同佢慶生啦，當中包括「胡說八道會」一班姊妹，仲有袁偉豪帶埋女友張寶兒到賀！而好友兼「Crazy Runner」隊員謝東閔，今日喺社交網上載咗一張同壽星女嘅合照，除咗見到個靚靚蛋糕外，仲見到胡定欣著住件露肩衫曬香肩，而謝東閔亦好自然咁搭住壽星女個膊頭，呢個機會真系唔系人人有！
謝東閔仲好情深咁留言：「Happy birthday@nwuuu生日快樂，其實我真的很高興能夠認識你。」字裡行間仲有三個心形圖案，一切盡在不言中！胡定欣亦有留言神回：「在心中」，仲冧爆回禮派心，網民都話佢地「So matching（好登對）」呀！不過早前就有傳胡定欣暗撻張振朗，發展相差近6年嘅姊弟戀，而謝東閔又系張振朗好兄弟……關係真系好複雜呀！
33歲李亞男跟王祖藍結婚3年多，兩個月前開心宣布成功懷孕，上月她挺著4個月孕肚出席活動時，已漏口風話擔心生女似祖藍。今日，她在臉書曬5個月孕肚，留言：「今日小公主陪我開工，佢好乖」，公布佗B女。
亞男回應傳媒謂：「我好開心，知道咗系囡囡，因為我不嬲都好想有個女，都希望第二個系仔。我仲未買齊啲嘢，不過BB房就仲裝修緊，最緊要佢出世時可以好健康，咁我就會好放心。其實男女我都鍾意，但我不嬲都想有個囡囡，因為可以幫她扮靚，同埋女仔始終黐媽咪多啲。」
藝人鍾鎮濤（阿B）為ViuTV節目《大星講》任嘉賓，透露下月將推出新專輯，現時已做好混音，有待送到美國做後期製作，更指碟內有九首舊歌、一首新歌，當中有翻唱好朋友張國榮、梅豔芳、徐小鳳、許冠傑、林憶蓮等歌手的經典歌。問到為何會挑選該些歌手？阿B說：「因為每首歌都同自己有個故事，但今次就唔好揀譚詠麟嘅歌，因為同佢太多故事，好難去揀一首歌，睇嚇之後會唔會出part 2，可能成只碟都系佢嘅歌。」
談到最印象深刻的歌曲，阿B表示是梁朝偉的《你是如此難以忘記》，皆因當年處於低谷時，偉仔陪他走過最艱難日子，患難見真情，更說：「最好就系佢成日埋單，完全唔介意，非常闊佬。」至阿B表示從前經常與張國榮見面及食飯，印象最深是對方為他向黃百鳴推薦於電影演出一個角色，他說：「佢幫咗我都冇出聲，呢件事系我最近先知，因為佢冇同我講，我真系好感動同感恩。」
張振朗跟湯洛雯在新劇《機場特警》中有感情線，二人於劇集拜神儀式上受訪，振朗直接要求靚湯減肥，笑指對方不能比機場特警更健碩。記者笑指靚湯變肥湯，湯洛雯笑說：「減緊喇！已經減咗少少，依家120幾磅，目標系減10磅。我有信心減到參選時咁Fit，不過參選嘅時候都唔系好好。」
然而，振朗身形也未達標，他亦笑說：「機場特警有兩種，一種系大隻，一種系跑得快，我系第二種。」他解釋剛拍完另一新劇及錄影美女廚房，隨後會加強操練。
落選港姐工藤佑採「黑面跳舞」一夜成名，仲同師姐黃心穎隔空爆罵戰，儲落唔少粉絲，人氣仲勁過三甲！點知有人就睇中呢點，冒認佢身份開咗個微信帳戶。工藤佑採今日凌晨就喺Instagram放咗幾張截圖，留言：「女皇發現到一個開咗好耐嘅WeChat AC嫁（嘅）朋友名單𥚃（裡）有人假冒本人、盜取本人照片、盜取姓名！（其實佢都打錯女皇個名）本人在此聲明，本人沒有任何一個AC叫工藤佑採！如果我嫁（嘅）朋友見到有這個AC加你們，或者其他怪AC請直接撥打本人手機以作確定！」睇番張截圖，冒認佢嗰位人兄將佢個名寫錯做「工滕佑採」，唔知系特登少個草花頭定打錯字呢？而工藤佑採嘗試聯絡對方，但就疑似畀對方封鎖咗，拒收佢嘅訊息，所以佢最後直頭檢舉個戶口。
有網友留言話有人冒認系證明工藤佑採紅咗：「從好嗰方面諗，你依家紅佢先會用你張相同用你個名，當做崇拜女皇偶像嘅一種方式，正如啲人用郭富城張相做Profile一樣！」工藤佑採就回應：「大佬！我怕佢去加我其他朋友，或者其他人同人借錢。」果然好清醒呀！
隨著林志玲洗盡鉛華，林嘉綺同隋棠又做咗人哋阿媽，臺灣名模買少見少。不過同樣來自臺灣，今年24歲嘅吳宜樺一出，即驚為天人，唔系誇張，身高1米78嘅佢樣靚身材正，條白滑美腿長到癲，正宗黃金比例10頭身，呢啲身形，真系只可以喺漫畫《足球小將》先見到，佢仲被冠以「亞洲第一」稱號，有網民仲話只要有佢，林志玲可以安心退休。
然而，一年一度嘅Victoria's Secret Fashion Show 今年底登場，人人都知只要被選上Angel行騷，一登龍門升價十倍，吳宜樺亦把握機會面試，儘管鎩羽而歸，但系佢都發文感謝每一個關注佢、替佢加油嘅朋友：「我會再接再厲明年再加油啦！」
無線藝員楊明、蔡思貝、張振朗、湯洛雯、鄧佩儀等在將軍澳電視城為新劇《機場特警》造型及拜神。
蔡思貝為演特警剪了一頭短髮，兼要戒口令身體線條更明顯，她說：「留長頭髮都已經一兩年，再剪短頭髮都驚觀眾唔知接唔接受，所以都驚，今次個意義好重大，好似由頭開始咁，所以自己都親手剪，剪嗰陣眼淚在心裡流，不過為角色都值得。」講到好友餘德丞出院，蔡思貝表示已經去過探望，指他情況ok。