陪住不少廣東人成長的TVB資深男配音員、也是「多啦A夢」的配音林保全先生，在2015年1月2日突然猝逝，終年63歲。無線外事部副總監曾醒明已證實消息，正和相關部門處理及其家人了解事件。據初步了解，林今早在家中突然暈倒。林保全因為「多啦A夢」配音而深入民心，在香港配音界中知名度極高。
林保全出生於1951年10月10日，為資深男配音演員譚炳文的徒弟。女兒林芷筠為無線電視前藝員及現任配音演員。
林保全在1971年3月寫信到無線電視自薦，加入無線電視配音組，1992年轉往亞洲電視配音組，1994年重返無線電視配音組。配過的角色不計其數，因多年為《叮噹 / 哆啦A夢》配音而深入民心，在香港配音界中知名度極高。常以「多啦聲」為賣點配演廣告，而在資訊遊戲節目《千奇百趣系列》中更是直接代入哆啦A夢一角旁白。
林保全在早期電影中是洪金寶、傅聲的專用配音員，後來擔任內地演員王剛的常任配音員。在多次採訪中，林保全都稱沒有退休計劃。
部分羊城網友對於林保全病逝後的留言：
1971年入行，三十幾年嘅配音員生涯，林保全嘅聲音真系陪伴咗好多香港人嘅成長，直到九十年代初，廣東可以睇到香港電視臺，從此，佢嘅聲音亦陪伴著我哋。
林保全，一諗起佢把聲我就笑……哈哈哈……當叮噹畀大雄激親而發嬲嗰陣、當加菲貓冇釐精神講啲搞笑對白同搞搞震嗰陣，當和珅畀紀曉嵐戲弄而發出哭笑不得嘅笑聲同尷尬嘅表情嗰陣，一諗起呢啲情景同場面我就喺度笑……林保全實在系一個好擅長配搞笑角色嘅配音員啊！
講起林保全，就一定要提到叮噹。林保全幫叮噹配音有差唔多25年，當年一開始嗰陣就睇林保全配音嘅叮噹嘅嗰啲人，依家都已經系成年人啦！我諗佢哋對林保全一定有好深嘅感情，其實唔單只佢哋，我哋都系……有香港網友話：「冇林保全配音嘅叮噹我系唔會睇嘅。」呢個系香港人對林保全配音嘅叮噹嘅感情，實在系好深。的確，冇咗林保全配音嘅叮噹系唔可以想像嘅，人氣一定會下滑，可以講喺大家嘅心目中，林保全就系叮噹……
林保全所演繹嘅加菲貓亦都系好得人中意嘅角色，其中當然有林保全嘅功勞。試諗一下，如果系大陸嗰啲所謂嘅「配音員」配嘅加菲，會有人中意咩？魅力一定會大打折扣！我聽過，真系慘不忍聽……林保全配音嘅加菲就唔同喇，配得好生鬼、好搞笑，用一種好似瞓唔醒嘅語氣同聲調去配加菲，實在系好配合加菲嘅性格－－成條懶蟲噉。
林保全為不計其數嘅動畫角色配音，其中有相當一部分系主角，例如《種子特務》嘅草剃、《鬼神童子》嘅前鬼等等，都系配得相當好。不過佢為一啲年輕嘅角色配音，我就覺得佢把聲顯得有啲老喇。例如飛影、《餓狼傳說》嘅泰利等。
喺洪金寶八、九十年代嘅電影入面，林保全系洪金寶嘅專用配音員，大家喺睇洪金寶嘅電影嗰陣有冇覺得呢把聲好似叮噹嘅聲呢？配和珅簡直系入木三分，將和珅嘅狡猾、奸詐同搞笑嘅一面都表現曬出嚟，勁！林保全亦系明珠臺播嘅電影入面，好萊塢男星佐治古尼嘅專用配音員（因為我經常都睇明珠臺嘅電影，所以知道……），喺呢個角色入面，林保全嘅聲音多咗幾分性感，應該係為咗配合佐治古尼呢個有型中年男人嘅氣質，總之我系噉樣覺得嘅。
多謝林保全，佢為我哋帶嚟咁多美好嘅回憶，呢啲回憶將會成為我人生嘅一部分……同時緬懷一下盧素娟。叮噹同大雄，林保全同盧素娟，我一定會記住你哋……
林保全生前最後一次電視專訪：
未睇過TVB，點可以叫廣東人？！
本測試收錄咗TVB創臺至今超多趣怪又難答嘅問題，絕對唔系煮個面咁簡單！無數電視精都輸得心服口服！點擊【閱讀原文】馬上開始！