睇過TVB嘅劇，大家最有印象嘅應該都系啲奸角惡人，今日就嚟盤點下，TVB電視劇史上最"惡"嘅惡人，個個都惡到處汁！古天樂都上榜啊！
12名：《創世紀》之張自力（古天樂飾）
張自力當許文彪系恩人，文彪畀人殺咗就梗系要報仇啦。相傳當時拍攝《創世紀》期間，有啲工作人員都想打古天樂，可想而知，古天樂扮演嘅張自力有幾惡！
第11名：《創世紀》之許文彪(陳錦鴻飾)
許文彪同葉榮添原本系好兄弟，後嚟信念不同，反目成仇。陳錦鴻第一次演反派，效果都唔錯。
第10名：《笑看風雲》之潘朗清 (郭晉安飾)
一面乖相嘅郭晉安好少演壞人，《笑看風雲》系惡人處女作。潘朗清從一開始就系一個唯利是圖嘅人，後嚟一系列嘅出賣、甚至殺人，都系佢嘅傑作。上年嘅《忠奸人》可以再次見到郭晉安演惡人嘅精湛演技。
第9名：《誓不低頭》之陸國榮(曾江飾)
曾江系香港電影、電視劇嘅「王牌綠葉」，而且經常扮演分量十足嘅配角。曾江好少演「殺人不眨眼」嘅大惡人，但系喺《誓不低頭》裡面，曾江嘅「惡行」，真系令到我依家都記得嗰個場景。僅僅系因為一場爭執，就一口氣將佢舅父全家六口人統統砍死曬，然後毀屍滅跡，將自己結拜兄弟鄭少秋污衊成殺人兇手，令到鄭少秋含冤坐咗二十年監。依家回想起，依然毛骨悚然。
第8名：《香城浪子》之應子輝(湯鎮業飾)
《香城浪子》裡面，湯鎮業演一個心胸狹隘嘅富家公子，自己鍾意嘅女仔「莊靜而」偏偏鍾意死窮鬼「黃日華」，所以一而再再而三咁將「黃日華」逼上死路，仲呃咗莊靜而嫁畀佢，但繫結婚後懷恨在心，折磨莊靜而取樂，簡直心理變態!
第7名：《天地豪情》之甘量宏 (張家輝飾)
翻版徐家立，當時張家輝唔紅，但系張家輝嘅「惡」令香港市民都記得甘量宏呢個人，亦都系張家輝上位之作。
第6名：《天地男兒》之徐家立 (羅嘉良飾)
徐家立喺《天地男兒》裡面，佢手上足足五條人命，單系五條人命，就知道有幾惡。徐家立呢個角色之後，羅嘉良就好少再演反派。
第5名：《火玫瑰》之喬立(羅嘉良飾)
羅嘉良演嘅喬立將追唔到手嘅一個女仔賣去外國。而且戲中著嘅都系名牌西裝，頭髮都永遠油光閃閃，完全就系一個惡人look。
第4名：《今生無悔》之高天俊(溫兆倫飾)
溫兆倫出演嘅第二個反派角色，駕輕就熟。呢套戲係為黎明定做嘅，但溫sir照樣「正不壓邪」，十分出彩。
第3名：《流氓大亨》之鐘偉舜(吳啟華飾)
鍾偉舜從小同屋企人失散，寄養喺大戶人家裡面，為咗唔失去擁有嘅嘢真系會不擇手段，用車撞死親生老竇，用盡陰謀詭計對付自己親生大佬，不過害人終害己。
第2名：《大時代》之丁蟹 (鄭少秋飾)
《大時代》最成功嘅就系塑造咗丁蟹呢個角色，佢自信、滿口仁義道德其實極端自私、自以為是，又極端神經、偏執、不可理喻。呢個人物真系太經典了，時至今日，提起丁蟹呢個名，大家都知道佢將自己幾個仔親手推落樓.
第1名：《義不容情》之丁有康 (溫兆倫飾)
睇過《義不容情》嘅人都會想打佢嘅惡人，撞死人要大佬頂罪，為咗拋棄前女友竟然將佢推落火車，殺咗自己嘅養母，毒死自己嘅親侄仔，身邊嘅老婆都畀佢害死，真系唔知有咩佢會做唔出。當時溫兆倫紅遍兩岸三地乃至成個東南亞地區，丁有康喪盡天良，人人得而誅之，當時溫兆倫出街都會畀啲追劇嘅師奶掟雞蛋同石仔。
來源：最廣州（ID：zuiguangzhou020）
自己友Tee「為食人生」系列
預售期間每件99元
落單即送自己友開飯卡！
（內含消費券100元）