陳自瑤（YoYo）在《萬千星輝頒獎典禮2020》黑面「回應」王浩信公開多謝，被網民封為「最佳女主角」，事件發酵多日，今日陳自瑤出席新劇開鏡拜神儀式，被追問會點同王浩信慶祝奪雙料視帝，陳自瑤坦言無安排任何慶祝活動，對老公的事更不願多談，不過講到在新劇中與男拍檔的溫馨場口，卻再三回味﹗
陳自瑤今日（14/1）出席新劇《把關者們》開鏡儀式，出席還有主角袁偉豪、陳家樂、黃智雯、王敏奕、丁子朗、劉佩玥等。王浩信再度奪得視帝寶座，記者問到陳自瑤會如何慶祝？YoYo話：「渠當晚都答咗啦，一直都會好忙冇時間慶祝﹗」又被問到可會就黑面表情向王浩信解釋，陳自瑤就話：「平時都好少講，要講嗰晚都講咗，唔再講喇﹗」
被提到當晚黑面回應老公的公開多謝，成為當晚焦點，無論衣著及人氣都比當晚視後蔡貝思勁，更被網民選為「最佳女主角」，YoYo話：「好開心，多謝大家畀面，多謝大家﹗多謝﹗」不停多謝在場記者。
陳自瑤坦言唔會同王浩信慶祝得視帝，提及王浩信時的陳自瑤木無表情，不願多談﹗
但一講拍檔C君立即開心番，笑到眼紋出曬嚟﹗
陳自瑤對老公王浩信不欲多談，但提及在新劇《把關者們》中首次合作的拍檔便滔滔不絕，YoYo指在劇中會跟C君有一場浪漫邂逅，更當場重演該場口， YoYo一提C君呢個新拍檔便笑曬口：「呢次真系好新嘗試，以往啲對手都系高大靚仔，呢次唔同，拍呢場邂逅戲前，淨系睇劇本已經忍唔住笑，到開工嗰日對住C君更加忍唔到笑，NG咗幾次﹗渠真系好搞笑﹗」
陳自瑤和C君重演在劇中浪漫邂逅的一幕。
陳自瑤和C君在新劇是一對。
頒獎禮完結後，陳自瑤被追問黑面一事時，她解釋是因天氣太凍，凍到頭痛身體唔舒服，所以嚟唔切反應，有少少愕然﹗ 不過頒獎禮後，YoYo未有貼得大獎的老公的相，反而貼出落敗的黃翠如、連詩雅的合照，老公合照欠奉。
陳自瑤在08年拍《野蠻奶奶大戰戈師奶》邂逅年輕兩年的王浩信，二人拍拖3年即結婚，當時王浩信的名氣不及YoYo，婚前更被影到親自接送Cammi謝芷蕙到其家中逗留逾5小時，凌晨5時Cammi殘爆離開，而婚後多年間，王浩信再先後同黃心穎、江嘉敏、蔡思貝傳緋聞。而一直盛傳YoYo對雙方婚姻死心，正辦理離婚手續，周日（10日）在《萬千星輝頒獎典禮2020》王浩信再封帝，竟激罕多謝陳自瑤。 1月10日舉行的《萬千星輝頒獎典禮2020》王浩信再憑《踩過界2》奪視帝，在臺上一番感言，竟然激罕多謝頻傳離婚的太太陳自瑤：
致辭後段，王浩信望向藝員觀眾席：「多謝屋企人，多謝yoyo悉心照顧個女??」
攝影師快狠準拍攝Close Up，不過陳自瑤黑曬面，表情僵硬沒作任何回應。
特別聲明：以上內容(如有圖片或視頻亦包括在內)為自媒體平臺「網易號」用戶上傳並發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.