點擊上方 ↑↑ 即可關注「金句王」
日前，張敬軒喺Facebook直播食麵，最後變成咗「小型演唱會」，好多fans都話呢個簡直系深宵福利。其實小編好細個嘅時候已經開始軒仔嘅歌，當年一首「酷愛」，不但「愛愛愛」到街知巷聞，更愛到橫掃各大樂壇頒獎典禮。呢首歌即使到咗依家聽都唔覺得過時。
其實軒仔一路走來都有唔少膾炙人口嘅金曲，好似以下「催淚四部曲」咁，每一次聽都十分有感覺——
《斷點》
呢首歌系軒仔包辦作曲作詞，佢作曲嘅功力相信大家都毋庸置疑，但其實佢嘅詞亦寫得十分入心……
「我吻過你的臉 你已經不在我的身邊
我還是祝福你過得好一點
斷開的感情線 我不要做斷點
只想在睡前 再聽見你的 蜜語甜言」
呢首歌詞，相信可以唱入每個失戀人嘅心坎中……
《櫻花樹下》
「未有過的愛情但有種溫馨
歸家那單車小徑沿路細聽你的歌聲
沒法再三傾聽你的感動暱稱
維繫錯的一番友情無奈已經不可糾正
太過堅貞」
呢一段堅正！年少懵懂時，好多人不懂得點樣開口說愛。
到長大了，懂得了，但你已經唔喺度了。
「如有天置地門外 乘電車跨過大海
匆匆跟你相望一眼沒理睬 明日花昨日已開」
而呢首歌小編最享受嘅系軒仔嘅假音，聽佢唱好像好輕鬆，但其實有人系唱得好辛苦嘅……
《春秋》
軒仔嘅唱腔，加上夕爺嘅歌詞，喺深夜時刻靜靜聽，小心眼淚會不自覺流出……
「我沒有為你傷春悲秋不配有憾事
你沒有共我踏過萬裡不夠劇情延續故事
頭髮未染霜 著涼亦錯在我幼稚
應快活像個天使
有沒有運氣再扮弱者玩失意
有沒有道理為你落髮必須得到世人同意
心灰得極可恥 心傷得無新意
那一線眼淚 欠大志」
小編比較鍾意聽軒仔嘅live，因為每次佢唱出來嘅感覺都唔同，每次都有驚喜。
最後一首「催淚曲」雖然唔系軒仔自己嘅歌，但佢完完全全唱出咗自己嘅味道！
《垃圾+絕+失樂園+大開眼戒》
軒仔將呢四首歌嘅情感堆砌得好好，由佢一開口，就註定會俾佢嘅歌聲慢慢帶住，進入回憶嘅抽屜，成個人嘅思緒都會浸在其中……
你最鍾意軒仔嘅「慘情歌」，又系邊首？
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy