胡定欣出席品牌活動，穿上性感西裝褸，她表示因為是絲襪活動，更大讚自己對腳靚，因為自己有集中做腳部運動。她希望胡說八道會可以影一輯性感相：「睇嚇系咪下個十年。（一齊全裸？）咁大膽，要問佢哋，我有提議過，外國好興，遮住三點就得，自己OK，最重要搵到信我得過攝影師，可以大家一齊著Bra同絲襪。（邊個抗拒，唔想影？）胡杏兒啦，佢未收身，不過好快，佢生完兩星期肚到細曬，身形都幾乎回復生前。」提到胡杏兒在她們面前餵人奶？她直言：「系呀，佢仲畀人奶我哋試，每人點一點試，味道幾好，似豆漿。」
早前有傳定欣不服李佳芯於新加坡《星和無綫電視大獎》爆冷奪視後，明晚她將出席另一大型頒獎禮《TVB馬來西亞星光薈萃頒獎典禮》，她對此坦言今年心情好輕鬆，因為對手強勁：「有鮑姐（鮑起靜）、宣萱。」之前已揚言睇好宣萱的定欣，繼續望對方攞獎，反而隻字不提李佳芯，可見心病依然存在，定欣說：「宣萱套劇反應好好，自己之前都冇同佢一齊提名，宣萱如果同我哋一齊去，我都好想佢拎獎。」
連詩雅出席絲襪活動，她穿上透視裝現身並表示：「我好少咁性感，我有啲緊張怕走光，已然做足打底措施，有時適當場合，性感少少系Ok。（男友要過目？）我都系第一次咁見人，其實我好少問人意見，除咗公司同事外，我都好少理其他人，最介意系經理人意見，不過出嚟效果靚就Ok。」她透露平時都會儲內衣及絲襪，是位絲襪控，不同款的絲襪都有，有30、40對。問到男友是否喜歡黑絲誘惑？她表示冇問過，但知道有男仔對絲襪有幻想。
提到無綫封殺蕭定一旗下藝人，她會否受影響？她表示自己是模特兒公司，暫不受影響，雖然蕭定一有入股模特兒公司，但行政分開：「自己management都系模特兒公司。（入唔入到無綫？）早兩星期都有入，上《勁歌》，有啲乜嘢公司會通知我，我都唔系好擔心。」