【開心速遞】孖大小姐跳情侶手指舞 許家傑：KC Terry預咗走唔甩
本文轉自網絡 不代表本號觀點
該新聞包含視頻，即將在公眾號tvbvideo推送，敬請關注！！
歷年來無線劇集製造出不少經典螢幕情侶，不過《愛·回家之開心速遞》一套劇6對情侶都跑出，受到觀眾喜愛真系一個異數。最近佢地接力拍片，跳勁HIT嘅情侶手指舞更令網民瘋傳，繼熊心如與池子孝（蘇韻姿與阮政峰飾）、Bonnie與金城安（林凱恩與周嘉洛飾）、Mandy與博士（謝芷倫與馬貫東飾）後，第四擊有大小姐同送水輝（林淑敏與許家傑）﹗許家傑接受香港01訪問時仲預告：「KC同Terry都預咗走唔甩架啦﹗」林淑敏仲話：「好快好快有得睇架啦﹗」
《愛 · 回家之開心速遞》中幾對CP先後拍片，挑戰情侶手指舞。(影片截圖)
大小姐同送水輝近期人氣急升，觀眾都好期待睇佢地呢條感情線發展。(資料圖片)
大小姐同送水輝呢一對，最近幾乎每集都成為焦點，林淑敏更憑住呢個角色，被網友熱捧做最佳女主角。呢日林淑敏上載短片，原來佢同許家傑終於排完舞啦，見到佢地跳得相當合拍之餘，表情同身體語言仲暗藏角色性格，好似大小姐飛撲送抱，送水輝會避開兼一臉錯愕，大小姐見狀表現谷氣。到最尾送水輝出奇不意吻向大小姐面頰，又會唔會代表劇中佢地好快開花結果呢？林淑敏留言話：「2018我希望會同送先生。。。許家傑！」最重要系Hashtag，因為佢點名話下一對到KC&Terry，呢對男男CP今次錫唔錫呢？實在令人期待﹗
先有大小姐做主動，然後再送水輝突擊送吻，林淑敏許家傑連戲外都跟足角色性格﹗(影片截圖)
林淑敏透露拍攝呢條片真系要多得《愛回家》團隊上下齊心。(影片截圖)
林淑敏同許家傑分別接受香港01訪問，Mandy就話都系速成現學現賣：「大約學跳咗半個鐘左右啦。第二日都系靠食晚飯時間先得閒，同Jack夾下排舞同埋拍片大約半個鐘左右。」不過原來拍呢條片用咗超強嘅期後班底架：「條片系KC揸機，Terry盈盈Jenny三個揸閃光燈，因為當時都夜啦唔夠光，靠佢地手機微弱燈光先拍得到。仲有政峰家樂佢地喺喺旁邊提點細節位，點樣會再sweet啲，我地拍到佢地識笑先收手。雖然鏡頭前得我地兩個，但睇到《愛回家》團隊精神真系好開心。」
許家傑話呢次跳手指舞慢慢變成冰桶挑戰，可以點名挑機的確好玩。(影片截圖)
至於片中許家傑錫咗面珠一啖，有網友覺得好SWEET之餘，都話不禁擔心Mandy老公會唔會呷醋，Mandy就話：「哈哈哈，老公都有俾like同share條片，無呷醋呀仲邊睇邊笑。雖然戲入面話我好鍾意送水輝好主動，大家系成年人無嘢啦緊系，知道做戲啫。」至於許家傑接受香港01訪問時表示：「其實跳情侶手指舞系自發性嘅，一開始阮政峰蘇韻姿玩先，本身無話專登要邊個接棒，不過慢慢大家逐個拍，就變咗好似之前冰桶挑戰咁樣點名挑機，我地知道馬貫東同謝芷倫tag咗我地之後咪練習囉。拍完之後我地tag下一Pair，KC同Terry都預咗走唔甩架啦﹗」
下一對終於系KC & Terry，實在系等到頸都長埋啦﹗(資料圖片)
---
商務合作QQ：2063871309
最新最快最全：關注訂閱號tvbdrama，回覆你想要的
（長按下圖識別二維碼即可輕鬆關注）