講到TVB今年播劇有咩新突破，一定要數繼2012年《飛虎》後，再次將劇集放在週末播放，即係俗稱（炮灰期）。雖然第一套播出的《踩過界》收視竟然不跌反升，深受不少劇迷歡迎。但《踩過界》播畢後，播出的劇集例如《雜警奇兵》，《性在有情》收視都不似如期。日前影視博客遊大東透露，明年TVB會繼續玩呢條橋，2017年兩度被抽起的由黃智雯及袁偉豪主演的《三個女人一個「因」》將重見天日，接著《性在有情》後播出。兩套劇集包括《雜警奇兵》及今次的《三個女人一個「因」》都係由黃智雯主演，她接受《香港01》訪問時表示：「還未收到公司official的通知和宣傳日子。」
《三個女人一個「因」》終於可以係明年2月播，一班演員應該好開心！
去年已經拍好嘅《三個女人一個「因」》真係一波未平一波又起，因為原本預計今年上映，可惜被十年前倉底貨的《蘭花刼》反超前搶位播出，之後暑假又殺出家燕姐的《燦爛的外母》。點都好喇，有得播好過無得播，唔洗好似《蘭花刼》咁，hea足10年先安排播出街！今次黃智雯在劇中要飾演多重人格，同一時間可分裂成3個人格，做開正經、專業人士，但智雯就坦言話擔心不能抽離。
李佳芯扮尼姑洗唔洗光頭呢？btw應該都好靚！
但低處未算低，因為仲有一套慘過佢，就係2015年已經拍完嘅《波士早晨》，演員陣容都唔弱，有已經離開TVB多年的陳慧珊及李子雄，仲有近期人氣急升的李佳芯！當時的Ali只是剛剛入TVB不久，在劇中擔任第二女主角，仲會同同樣出身自有線的洪永城有感情戲！早前男主角之一的黃智賢接受《香港01》訪問時曾表示，希望劇集唔駛等１０年咁耐先出到街。其實TVB 2月播出的劇集一向屬於炮灰檔，今次將已經拍完好耐嘅《三個女人一個「因」》同《波士早晨》安排在2月播出，計落都係好正常，希望到時唔好再有咩變數喇！
就咁睇張相都知《波士早晨》係搞笑劇！
點擊左下角閱讀原文進入TVB同步播放
點擊左下角閱讀原文進入TVB同步播放