黃金身材袁嘉敏曬比堅尼,34D蕭淑慎曬細15年男友被嘲母子戀

藝人曹永廉在荃灣一個午宴中表演，他表示自己有帶九歲仔仔前來欣賞演出：「好多年冇試過，不嬲都唔多鍾意帶小朋友出嚟做野，上次帶佢出嚟嗰陣系兩三歲，佢尋晚開心到瞓唔著。」最近他在無綫節目《流行經典50強》大曬唱功，問仔女是否他的粉絲？他指六歲女兒是老友蕭正楠的粉絲：「系都迷個後生啲啦，迷個四十歲我就覺得奇怪啲，日日都提住蕭正楠，希望佢大啲會識諗。」又指好在女兒最近因陪住老婆看韓劇而迷上李敏鎬：「都好，起碼都（後生啲）！」

提到最近深宵時段重播《妙手仁心》大受歡迎，曹永廉指當時加入無綫一年，但之前爭落好多卡數，好在邵美琪仗義與他情侶檔出騷，等他可以清卡數：「好多謝佢，佢一向都唔做，但佢亦都知佢唔做我就冇得做，所以佢都幫我還左啲債。」又指間中有與同劇的陳潔儀聯絡，最近亦有看她的演唱會。

內地女星楊冪同爸爸感情深厚，熱愛玩社交網嘅楊爸爸成日喺網上力撐愛女，一時護女心切開聲鬧爆網友，一時又幫手Share楊冪嘅最新消息，間接幫楊冪吸引更多粉絲。

最近楊冪爸爸就喺社交網公開自己間豪宅，住宅以中式風格為主，大部分用上紅色元素，又真皮座椅，又寬敞客廳，牆上嘅水墨畫再加上紅色燈籠同盆栽，中國風強烈。之後楊爸爸又上載屋企嘅後花園，種滿青菜同各種花草蟲魚，間屋真系好大啵。而其中一張相就見到女婿劉愷威嘅蹤影，見佢輕輕鬆鬆坐喺梳化玩電話，陰陰嘴笑，成個低頭族咁款，喺外父面前都咁Free咁做自己，劉愷威同楊爸爸相處應該都冇咩問題，睇嚟「威冪」婚姻亮紅燈嘅傳聞又不攻自破喇。

無綫藝人曾守明早前與友人於內地登臺期間突然離世，遺霜及兒子忠燁四出奔波，將守明遺體運返香港後，今日傍晚假世界殯儀館設靈。

曾太邱淑芬偕同忠燁接受在場記者訪問時，曾太直言要多謝各方好友的協助：「特別系袁潔儀，佢幫我喺公安辦理手續，又奔跑左好多個地方，呢樣野系守明積出嚟嘅福。好似之前講過，我的條路仲要繼續行，但希望守明喺第二個地方做到佢想做嘅事。（用羊宗教儀式舉殯？）我的冇宗教信仰，大家隨心，想上香咪上香，鞠個躬都得。（好唔捨得守明？）喺屋企執野勾起好多回億，我為佢而驕傲，今日好多花牌，佢人緣唔錯。（遺照點揀？）系無綫劇照嚟，佢嘅阿Sir形象好深刻，所以想揀呢張。（守明有遺願？）佢有好多野想做，又想仔仔入紀律部隊，又鍾意做公益，佢比較喜歡熱鬧氣氛及環境。（經濟上冇問題？）冇，我有返工嘅。」

前港姐亞軍張秀文（Sammi）除擁有殺死人的甜美笑容外，更擁有令不少女生羨慕的34D逼爆身材，難怪獲譽為史上最Sweet的「無綫咪神」，次次出席活動都教一眾宅男噴血暈倒！

Sammi在今集東網節目《區區有女神》中便玩轉成長地沙田，作為一個在屋邨長大的正宗「沙田友」，她帶觀眾行天橋橫過城門河，到沙角邨享受豐富下午茶。小時候已玩勻沙田區大小公園的她，更帶大家落公園重溫童年時光！

在職媽媽陳敏之坐完月就復工投入拍攝無綫劇《塘心風暴3》，不過佢冇因為工作忙而放棄餵人奶，為左畀仔仔雷冬至最好嘅，佢一趁有拍劇空檔，就去服裝間泵奶，仲要一邊泵一邊睇劇本，佢今日就喺fb上載左同仔仔日前玩fb live嘅cap相，有感而發打左一篇長文，講嚇做在職人奶媽媽嘅辛酸，佢又不忘多謝《塘心3》劇組對佢嘅支持及尊重。

「格鬥狂人」徐曉冬上月28日在四川以10秒「秒殺」太極拳師魏雷，事後更出言挑釁傳統武術界，引起武術界的議論，眾人亦紛紛向他下戰書。繼有傳他獲成都警方邀請接受調查後，近日亦有活躍於微博的徐曉冬，其微博帳號今日卻消失了，網上亦有網民指其帳號是被鎖號，徐曉冬方面聲稱在調查中。

據知，今日北京消防部突然出現徐曉冬任教的武術館，並有指是作武館消防的檢查工作，亦有指消防武警逗留半個多小時就離開，而徐曉冬更戴著口罩同帽現身武館，但就被武館的師兄弟帶離開，到附近等待消防檢查結果。

今日沙田馬場賽事，藝人崔建邦（Amigo）、林韋辰及女友李思雅都有到場噃，原來佢的係為馬主王庭聰匹「齊齊健康」撐場呀，呢匹馬是日頭場上陣，結果只系跑第十一名返嚟，跑完之後見到Amigo黑黑的面，系咪輸左錢就冇人知喇！

不過好多野隔住個芒，都真系好難講，因為去到第五場跑出頭馬「特獎」，我的見到崔建邦過終點後拍手呀，好似買中搞掂左咁樣，不過唔夠一秒之後，佢又即刻變番面無表情，贏錢輸錢都系咁嘅樣，藝人變臉真系花過搭火箭，話時話，唔通崔建邦贏左錢費事畀林韋辰同李思雅知，慳返餐飯好過？

憑韓劇《鬼怪》迷暈大批女粉絲的男星孔劉，於昨晚在亞博舉行見面會後，結束4天訪港行程，並於今日約下午4時15分由下榻酒店出發前往機場，而專程來港為孔劉擔任見面會嘉賓的同門女星兼好友孔孝真，亦登上同一部車前往機場返韓。 

孔劉與孔孝真抵達機場後，經VIP通道前往離境大堂，通道旁及接機大堂聚集近百粉絲，大會亦安排了20名保安在場戒備。身穿藍色Tee、紅色冷帽及黑超的孔劉下車時，在場粉絲即不斷尖叫，並大嗌「大叔」及「Oppa」。心情勁靚的孔劉不斷向粉絲微笑揮手，先行一步的孔孝真急速步入禁區，孔劉則放慢腳步，沿途繼續向粉絲狂揮手，又收下一袋袋的禮物及花，持續幾十秒後，進入禁區前還不忘跟粉絲握手講多謝及拜拜，心情靚爆！

藝人楊洛婷與樂隊Dear Jane主音黃天翱（Tim）自2014年結婚後一直非常恩愛，復活節期間佢的更喺社交網宣布有喜，唔經唔覺楊洛婷依家個肚已經5個月大喇！為左慶祝Tim生日，楊洛婷同Tim日前就去左模里西斯旅行，實行過最後一個二人世界，簡直勁Sweet！

今日楊洛婷喺社交網上載兩張相，其中一張相見到挺住巨肚嘅楊洛婷著上泳裝，仲戴住黑超喺樹林度影相，而另一張相則被老公攬住合照。網民睇完後都話兩人閃到核爆，仲大讚準媽媽楊洛婷雖然已經懷有5個月身孕，但佢嘅身形望落依然勁Fit，令人好羨慕𠻹！

40歲臺灣藝人蕭淑慎，曾獲金馬獎提名，可惜不自愛，在毒海浮沉多年，最終被判刑18個月，出獄後演藝事業全面冰封，試過一年零收入。而最近佢戀上比自己細15年的單親爸爸梁軒安，再度成為「話題女王」，今年2月佢仲答應男友求婚。

一度傳出大肚的她，最近就與男友去墾丁度假，穿上比堅尼自拍，相中所見她小腹平坦，似系曲線澄清大肚傳聞，不過重點並唔系佢個肚，而系佢一對超強34D豪乳，佢仲自拍大頭相，「人間胸器」差啲逼爆個Mon，而佢同男友企埋一齊時，就似阿媽同阿仔嘅母子合照，唔多襯喎。

夏天就嚟到，一班靚女又系時候曬比堅尼同陽光玩遊戲。擁有34D上圍的袁嘉敏（Candy），一向都鍾意喺社交網站派福利，今日Candy著住紅色花紋比堅尼嘅，影左多張唔同角度嘅自拍，認真火辣！

除左大曬比堅尼，Candy仲著住左一條白色裙，將噴血嘅身材完全遮住，留言話：「出發去沙灘曬太陽前給大家拍了些照片，現在已曬黑了一些！」不過繼之前嘅全裸上陣，今次就真系收斂得多喇！一班網民都大讚Candy身材Keep得好好，仲叫佢影多啲靚相上網。