任達華日前於中山出席商業活動被兇徒持刀襲擊，傷及腹部及手指，送院接受手術後連夜送返港，翌日再進行一次小手術，入院三天的他，昨日網上發文報平安，寫道：「平安，謝謝大家。」並配上一張女兒任晴佳所送的公仔照片。
英皇高層霍汶希（Mani）昨午探望他後，透露其精神不俗，手指神經線接駁手術非常成功，現時要不停鬱動手指幫助血液循環，同時已從ICU轉到普通病房，預計兩、三日後可以出院。談到工作安排，Mani說一切以其健康為重，廣告拍攝及電影工作亦會押後。問到任達華可有發噩夢？Mani說：「冇，佢好定架，有問嗰個人咩事呢？做咩呢？（會追究？）主辦方派咗總經理落嚟同我哋傾，華哥話唔使追究，件事唔關佢哋事，我話佢太好人，不過我哋都冇諗住追究，只系想了解件事，但系公司會保留工作上若然有第三方要求賠償，就會向主辦方索償嘅權利。」又指陪伴在側的琦琦母女情況OK，只是囡囡比較眼瞓，因早上六時半起身，亦很擔心媽咪。
昨午琦琦一臉疲態離開醫院，表示老公早上已轉到普通病房，中午吃粥及齋，康復情況理想：「華哥叫大家唔好再等，天氣太熱，好辛苦，大家嘅祝福、關心，佢全部收到。同理多謝經理人公司英皇、楊生同一班醫護人員。（幾時出院？）希望儘快，要等醫生決定，華哥恢復得好好，令我哋輕鬆咗，希望佢可以快啲返屋企。（主辦方有乜嘢交代？）我唔理，交由經理人公司處理，我要好好照顧華哥，希望佢早日康復。」
霍汶希指任達華要多鬱動手指幫助血液循環。
琦琦希望任達華早日出院。
此外，原定下月1日在內地上映的《小Q》，電影公司經商議後決定延至9月20日上映，不過香港8月中的映期不變。有份投資該片的星皓電影老闆王海峰表示：「內地只做過一站首映禮，原本有多個地方要去，宣傳會做到8月初，依家只好押後映期。」至於損失多少就未有計算，也不想演員有壓力。