歐陽震華親身解釋 Tim Sir第三輯被消失之謎
視頻點上面在線看↑↑↑
本文轉自網絡 不代表本號觀點
TVB經典劇集由黎耀祥主演《法證先鋒III》於2011年10月首播，承接早兩輯的好口碑，第三輯依舊受到大批家庭觀眾歡迎，第一周平均收視有31點，結局同周平均收視更達至40點之高。最近該劇於深宵時段重播，依舊有大批捧場客，成為深夜劇王。 不過自劇集播出以來，外間一直覺得歐陽震華（Bobby）被黎耀祥頂上，對劇迷來說是一個損失，更有不少人揣測，箇中原因其實是Bobby得罪高層所至。那麼真實的原因呢？就由Bobby親自道出吧。
黎耀祥擔正做主角的《法證先鋒III》於深夜時段重播中，就算是重播，收視成績也相當不錯。（網上圖片）
上周六晚（5月18日），歐陽震華（Bobby）於無線電視城內客串拍攝《愛．回家之開心速遞》，除了分享與群姐合作的心情，亦談及了最近重播的《法證先鋒》系列。「播嗰時呢，就睇啲唔睇啲，嗰時拍劇嘅密度大過而家，經常都系喺公司，所以好少睇，但系而家（重播）就追返曬。我睇返第一第二集（《法證先鋒I》、《法證先鋒II》），我同林文龍，即系Tim Sir同Dr. Koo之間個化學作用真系幾好睇。」
周六晚（5月18日），歐陽震華（Bobby）回到TVB客串《愛．回家之開心速遞》，與群姐有連番對手戲。（資料圖片）
《法證先鋒》第一、二輯，Tim Sir與Dr. Koo的受歡迎程度之高，相信都不用多說，但為什麼由《法證先鋒III》開始就換了不同的男主角呢？歐陽震華（Bobby）接受媒體訪問時解釋說：「嗰時好似系撞咗期！因為我應承咗內地一套劇，應承咗返去拍，後尾可能個期夾唔到，夾唔到就冇辦法啦。其實都冇所謂嘅，《法證先鋒》即系CSI（美劇《CSI滅罪鑑證科》）咋嘛，有《CSI: New York》、《CSI: Miami》。」他更笑言，香港也可以有類似形式。「香港都可以㗎，《CSI：中環》或者《CSI：南區》都得，哈哈哈。」
不少人都很好奇，為什麼Tim Sir（歐陽震華）到了《法證先鋒III》會被換角。（網上圖片）
那麼當時到或是哪部內地劇集，令到Bobby要放棄拍攝《法證先鋒III》的機會呢？他表示因為拍攝年期有點遠，所以也不太肯定是那一套劇集。「我都唔敢肯定，法證3好似系2011年拍，11年我好似系撞咗《鍾馗傳說》定《天生無才》呢？都系大陸劇嚟嘅。因為嗰幾年，每年都喺內地拍起碼一套，嗰時都拍得幾密。」失去成為《法證先鋒III》男主角的機會，有否覺得可惜？他輕鬆的回答：「就好似CSI咁，《CSI: New York》同《CSI: Miami》都有不同男主角㗎嘛，會變㗎嘛，變下又會畀多啲新嘅面孔觀眾睇。而家（《法證先鋒III》）由黎耀祥做，我又覺得幾好睇喎！佢同我個做法又唔同，隔離嘅人又好認真去講件案，全部都系英文翻譯中文。第一、二輯，可能我啲英文渣，就唔需要翻譯，直頭講中文，同埋邢家就更加專業，器具同埋化驗過程又更加認真同準確。」
歐陽震華（飾Tim Sir）解釋，當時因為拍攝期與內地劇撞期，所以最終沒有拍攝第三輯。（網上圖片）
內地劇集《天生無才》播映於2010年，所以應該不是因為這套劇而放棄拍攝《法證先鋒III》。
《帶刀女捕快》於2011年8月播映，而《法證先鋒III》的拍攝時間則是2011年1月至5月，時間上也對得上。（網上圖片）
歐陽震華（Bobby）提及2012年上映的《鍾馗傳說》這套劇，所以他也有可能是因為需要拍攝此劇而放棄參演《法證先鋒III》。（網上圖片）
Tim Sir（歐陽震華飾）、Dr. Koo（林文龍飾）合作拍作了兩輯。（網上圖片）
歐陽震華表示現在也有觀看劇集重播。（網上圖片）
---
商務合作QQ：2063871309
劇迷QQ5群:133989729
最新最快最全：關注訂閱號tvbvideo，回覆：2019
（長按下圖識別二維碼即可輕鬆關注）