最近英皇娛樂藝人的陳家樂走入電視圈拍劇，劇集《逆緣》中嘅表現更令觀眾們驚喜，指一直走漏眼左呢個演員。其實，走漏眼嘅又點至一個人，屬同公司的湯怡，早在2006年參加《美女廚房》中美少女廚神選舉，當時就被冠「少女黎姿」稱號。12年咁就過去，今年10月就30歲嘅湯怡最近著番套中學校服出嚟做街訪，又靚又清純，零違和感！
就快30歲的湯怡最近
就快30歲的湯怡最近以學生妹造型做街訪，內容系羊未必重要，皆因大家都俾佢零違和感嘅學生妹校服look吸引住，睇極都唔似快將3字頭！街訪中湯怡仲系著番當年自己套中學校服，好巖身唔洗改之餘，仲好有鄰家女孩感覺，受訪者都忍唔住望多幾眼！
其實，今次街訪並唔系湯怡事隔多年後再一次穿上校服，早前佢喺快將上映嘅電影《某日某月》中首次擔任第一女主角，做個學生妹，仲同靚仔原島大地有唔少對手戲！
事實上，湯怡入行以嚟一直走鄰家女孩路線，系眾人心中嘅女神，所以擁有不少粉絲。可惜女神一早就已經名花有主，男友正是歌手洪卓立。二人拍拖已經足足11年，不時分享拍拖點滴，仲有個專屬Hashtag 「#大洪小怡」，真系隨時都被閃盲對眼。
不過女神湯怡亦曾經有過黑歷史，就系每個人都有嘅學生相！湯怡早前將自己學生相擺上網，並不禁留言話自己中學時候黑過嚿炭！咁又唔奇嘅，每個人都系愈大愈靚嘅～
除左清純學生look難唔到湯怡之外，佢有時都會有打扮成熟嘅一面，簡直無論系羊造型或打扮都完全carry得起！大家喜歡湯怡邊一類造型多啲呢？