TVB男星羅天宇前度個個靚女，有苟芸慧、湯洛雯，而傳出緋聞就有陳瀅同戴祖儀，個個都系女神級，唔怪得之佢被稱為「女神收割機」，系男人嘅偶像！最近就有消息指33歲嘅羅天宇溝掂樣靚身材正嘅何依婷，有傳兩人已經秘戀4個月，更被指在煞科宴上偷偷拖手，又一齊去夾公仔，但兩人戀情不被何媽媽祝福，有指何媽媽有感羅天宇形象花心，而女兒前途一片光明，不欲女兒因拍拖阻礙事業發展。
對此，何依婷接受訪問時，直呼冤枉否認戀情：「唔系好熟，拍劇系朋友，大家都系工作上好努力嘅人，唔想同工作拍檔有不必要無謂嘅關係，夾公仔系劇集情節，而唔系我哋去夾公仔，完咗工作後冇私底下見過面，好無聊呀！希望大家唔好亂諗啦！（煞科宴偷偷拖手？）拍劇嗰陣有囉，但完咗就完全冇聯絡喇！」
而羅天宇接受東網訪問時說：「其實我單身咗好耐，可唔可以唔好咁樣寫我，唉，個個都覺得我好多感情發生咁，其實唔系，我不嬲都自己一個。（快啲搵到真命天女？）暫時未遇到，開劇都好忙，出現時候再算，依家未有。」別以為「女神」必定多人追，蘇皓兒便是例外，戀愛史只有4次，自言宅到爆難搵對象，亦抗拒前度死纏爛打，認為緣盡便一刀切，不應欲斷難斷。笑言「無情」一身輕的她，趁事業起飛落重注，感情則抱佛系態度，不會強求！
女團出身的蘇皓兒（Chloe）曾經歌、影、視3線發展，去年憑TVB劇《那些我愛過的人》中的純情學生妹角色人氣急升，繼而接拍《金宵大廈2》及《OPM》，電影方面亦一部接一部。為以最佳狀態入劇組，她無論多忙都會偷時間運動，跑步、打籃球、行山、跳舞樣樣啱，但求把時間填滿！
入行6年換來「女神」稱號，Chloe笑言唔敢當：「我系藝人、演員，心目中嘅女神要系全智賢級數，有演技、形象健康同百變，我只不過系普通女仔。」已1年多沒拍拖的她，對運動型男生情有獨鍾：「同音樂型拍過拖，近排想搵運動型，見人哋一對對打波好甜蜜，想試嚇！（緋聞男友羅天宇？）佢太文靜，我已經唔系活躍，如果一齊唔出聲就慘，我以前嘅男友都外向。（想男友大過你？）最好大3、5、7年，如果系優秀嘅人，我可以追佢步伐。我真系太宅，唔出街，所以男仔應該追唔到我，亦冇人追，咁我就可以專注事業。」
談到以往的戀愛經歷，她自爆5隻手指數得完：「我拍拖唔會快分手，但唔鍾意前度同我聯絡，覺得斷咗冇必要Chur，有時共同朋友嘅活動佢想參與，但我唔想應酬一個唔想接觸嘅人，所以Block咗佢電話。