側田曾因負面新聞離開香港 覺醒：以前覺得系人哋問題

如果你是一位歌手，你最想得到的會是什麼？出街時別人會認得你？會有膾炙人口的代表作？在K房大熱的歌曲？唱片銷量會有白金數字？去紅館開演唱會？相信以上種種都是歌手的目標。但有時，你得到越多，成績越好，其實未必一定開心。

起碼側田不會，坦白說側田2005年推出首張專輯《Justin》，首日銷量已高達15,000張，至2006年2月為止，已賣超過35,000張，至同年3月底銷量高達白金唱片數字，更於同年首開三場個人紅館演唱會。

當時他有「一碟上紅館」的美譽。不過當大家認為這一切是夢寐以求的際遇時，側田卻不認同：「當時系好唔開心，透唔到氣。」

側田坦言入行的時候很順利，不過當時他過得並不開心。（黃國立攝）

側田是一位實力歌手相信無人質疑。他當年憑著第一張專輯《Justin》踏上紅館舞臺已經打破多位歌手紀錄，不過他除了音樂得到大家認同及關注外，私生活也成為關注的地方。

在他出走到北京發展前，也因為種種新聞讓他形象受損。最後他有感不適應香港娛樂圈，所以決定到北京發展。雖說側田短暫離開香港，但他的音樂沒有離開，側田式的情歌依然是K房必唱歌，更是陪了很多人度過不少傷心的晚上。

歌手側田，剛出道時已得到大家的注目。他向來都是以實力為賣點，而且出道不久就得到了可遇不可求的紅館檔期，在其他人眼中本應是當年最為風光，最為開心的日子，但對側田來說反而是最不快的時光：

「我承認入行嘅時候好順，但我當時系好唔開心，因為太透唔到氣。我當時唔系好慣做呢行。」

「初入行已經有太多傳媒attention。我覺得有時好多social media嘅報導都系唔可信，嗰年出咗一個報導話我賺好多錢，列哂我做咗咩job幾多個騷。但我睇睇戶口，其實真系無咁多錢。直到幾年前又有一份報導話我好窮，其實當時我銀行系最多錢嘅時候。所以我以前會覺得咁多新聞無一個系中立。」

歌手側田出道不久便憑著《Justin》踏上紅館舞臺。（黃國立攝）

提到側田去北京發展前，爆出的新聞讓他形象受損，側田沒有避而不談：

「以前細個受嘅挫折其實系好事，後生時乜都會推卸責任，唔會覺得自己有問題。而家我會明白好多嘢都系因自己而起。其實有咩唔好嘅事發生喺自己身上，首先系要識得反省自己。每一件事都有一個原因。以前我會覺得一定系人哋問題，人哋黑心，其實有時可能真系自己問題。以前發生嘅事我當系交學費。」

曾受負面新聞影響的側田：「以前發生的事我當是交學費。」（黃國立攝）

側田這次受訪，不論心態與談吐都比從前樂天不少，而且他也坦承以前的他成就了今天的自己：

「我去北京之前系好唔開心，我覺得喺香港做呢行，個遊戲規則唔系好適合我。因為當你under contract（籤了合約）就有一個責任，要做好多你未必想做嘅嘢，我明白呢個系必經階段。」

「我會諗點解我要做咁多我唔想做嘅嘢呢？當時我真系頂唔順，我當時好唔開心，身邊嘅人都唔開心，所以我咪決定走囉（去北京）。一段時間後我心態改變，變得成熟。所以由北京返香港，依家自己做音樂都幾enjoy。不過我好感激當時嘅同事，佢哋系有幫過我。如果無以前嘅唔開心，就無而家嘅我。」

側田續說：

「喺呢一行，通常大約30歲左右就會知道條路點行，但我30歲先入行，用咗10年時間交學費。我依家40歲終於喺社會大學畢業。」

側田自言40歲的自己終於在社會大學畢業。（黃國立攝）

雖說側田曾離開香港一段時間，但開演唱會票房依然很好。今年12月舉行的兩場紅館演唱會，門票昨日公開發售，但短短時間已火速爆滿，實力仍在。